© Photo: ortcom.kz
Birinshi vitse-premer Roman Skliar Semei ormanyndaǵy órtke bailanysty Shyǵys Qazaqstan oblysynyń ákimi Danial Ahmetovtiń qyzmeti tekserile me degen suraqqa jaýap berdi, dep habarlaidy Sputnik Qazaqstan.
Onyń aitýynsha, qyzyl jalynǵa oranǵan "Semei ormany" rezervaty oblysqa qaramaidy.
"Semei ormany" rezervaty oblysqa emes, Ekologiia jáne tabiǵi resýrstar ministrligine qaraidy. Bul - Ekologiia ministrliginiń qurylymdyq bólimshesi", - dep qysqa qaiyrdy Skliar Úkimet otyrysynda.
"Nege onda Ekologiia ministri Zýlfiia Súleimenova sol kúnderi órt ornyna barmai, forýmdarda júrdi?" dep surady jýrnalister.
"Forým ótken kúni kúndiz órt bastaldy. Men taǵy da qaitalap aitamyn, órt aýqymy jete baǵalanbaǵan. Sekýndyna 25 metr jel soǵyp turdy, 38 gradýs ystyq boldy, osyndai aýa raiynda ormannyń joǵarǵy bóliginde ot jyldam taraldy", - dedi Skliar.
Órtke bailanysty Zýlfiia Súleimenova jaýapqa tartyla ma degen suraqqa:
"Qazir Bas prokýratýra tergeý júrgizip jatyr. Osy tergeý aiasynda barlyq kináli tulǵanyń jaýapkershiligi anyqtalady", - dep jaýap berdi birinshi vitse-premer.
Aita keteiik, 2022 jyldyń maýsymyna deiin Semei qalasy Shyǵys Qazaqstan oblysynyń quramynda boldy. Al ShQO-ny uzaq jyldar boiy Danial Ahmetov basqaryp keledi.
Byltyr Prezident Jarlyǵymen Shyǵys Qazaqstan oblysy ekige bólinip, jańadan Abai oblysy quryldy. Óńirge Nurlan Uranhaev basshylyq etedi.
Eske salsaq, Abai oblysyndaǵy iri orman órti 8 maýsymda bastalǵan edi. Sodan beri tilsiz jaýdy aýyzdyqtaý múmkin bolmai tur. Tótenshe jaǵdai saldarynan orman sharýashylyǵynyń 14 qyzmetkeri qaza tapty. 12 maýsym Qazaqstan boiynsha Jalpyulttyq aza tutý kúni jariialandy.
