© Photo: ortcom.kz
بٸرٸنشٸ ۆيتسە-پرەمەر رومان سكليار سەمەي ورمانىنداعى ٶرتكە بايلانىستى شىعىس قازاقستان وبلىسىنىڭ ەكٸمٸ دانيال احمەتوۆتٸڭ قىزمەتٸ تەكسەرٸلە مە دەگەن سۇراققا جاۋاپ بەردٸ, دەپ حابارلايدى Sputnik قازاقستان.
ونىڭ ايتۋىنشا, قىزىل جالىنعا ورانعان "سەمەي ورمانى" رەزەرۆاتى وبلىسقا قارامايدى.
"سەمەي ورمانى" رەزەرۆاتى وبلىسقا ەمەس, ەكولوگييا جەنە تابيعي رەسۋرستار مينيسترلٸگٸنە قارايدى. بۇل - ەكولوگييا مينيسترلٸگٸنٸڭ قۇرىلىمدىق بٶلٸمشەسٸ", - دەپ قىسقا قايىردى سكليار ٷكٸمەت وتىرىسىندا.
"نەگە وندا ەكولوگييا مينيسترٸ زۋلفييا سٷلەيمەنوۆا سول كٷندەرٸ ٶرت ورنىنا بارماي, فورۋمداردا جٷردٸ?" دەپ سۇرادى جۋرناليستەر.
"فورۋم ٶتكەن كٷنٸ كٷندٸز ٶرت باستالدى. مەن تاعى دا قايتالاپ ايتامىن, ٶرت اۋقىمى جەتە باعالانباعان. سەكۋندىنا 25 مەتر جەل سوعىپ تۇردى, 38 گرادۋس ىستىق بولدى, وسىنداي اۋا رايىندا ورماننىڭ جوعارعى بٶلٸگٸندە وت جىلدام تارالدى", - دەدٸ سكليار.
ٶرتكە بايلانىستى زۋلفييا سٷلەيمەنوۆا جاۋاپقا تارتىلا ما دەگەن سۇراققا:
"قازٸر باس پروكۋراتۋرا تەرگەۋ جٷرگٸزٸپ جاتىر. وسى تەرگەۋ اياسىندا بارلىق كٸنەلٸ تۇلعانىڭ جاۋاپكەرشٸلٸگٸ انىقتالادى", - دەپ جاۋاپ بەردٸ بٸرٸنشٸ ۆيتسە-پرەمەر.
ايتا كەتەيٸك, 2022 جىلدىڭ ماۋسىمىنا دەيٸن سەمەي قالاسى شىعىس قازاقستان وبلىسىنىڭ قۇرامىندا بولدى. ال شقو-نى ۇزاق جىلدار بويى دانيال احمەتوۆ باسقارىپ كەلەدٸ.
بىلتىر پرەزيدەنت جارلىعىمەن شىعىس قازاقستان وبلىسى ەكٸگە بٶلٸنٸپ, جاڭادان اباي وبلىسى قۇرىلدى. ٶڭٸرگە نۇرلان ۇرانحاەۆ باسشىلىق ەتەدٸ.
ەسكە سالساق, اباي وبلىسىنداعى ٸرٸ ورمان ٶرتٸ 8 ماۋسىمدا باستالعان ەدٸ. سودان بەرٸ تٸلسٸز جاۋدى اۋىزدىقتاۋ مٷمكٸن بولماي تۇر. تٶتەنشە جاعداي سالدارىنان ورمان شارۋاشىلىعىنىڭ 14 قىزمەتكەرٸ قازا تاپتى. 12 ماۋسىم قازاقستان بويىنشا جالپىۇلتتىق ازا تۇتۋ كٷنٸ جارييالاندى.
