Foto: ashyq derekkóz
Abai oblysynyń prokýratýrasy «Semei ormany» memlekettik orman tabiǵi rezervaty» RMM-de salyq zańnamasynyń buzylǵanyn anyqtady, dep habarlaidy Ult.kz.
Mamandandyrylǵan tabiǵat qorǵaý prokýratýrasynyń tekserisi nátijesinde rezervat 2024 jyl boiynsha Salyq kodeksinde kózdelgen málimetterdi tolyq kólemde salyq organdaryna usynbaǵan.
Salyq kodeksine sáikes, memlekettik orman ieleri ár toqsan saiyn tólem jasaýshylar men salyq salý nysandary týraly derekterdi salyq organdaryna joldaýǵa mindetti. Alaida mindetti aqparattyń berilmeýi saldarynan biýdjetke 200 mln teńgeden astam salyq túspei qalǵan.
Prokýratýranyń qadaǵalaý aktisinen keiin atalǵan salyqtyq bereshek tolyq kólemde óteldi.
Mamandandyrylǵan tabiǵat qorǵaý prokýratýrasy qorshaǵan ortany qorǵaý jáne tabiǵi resýrstardy utymdy paidalaný boiynsha baqylaý jumystaryn jalǵastyratynyn málimdedi.
