Ertis ózeniniń sý deńeii kóterilip, ózenniń betinde muzdyq tutasyp qatý protsesi baiqalady, – dep habarlaidy QR IIM Tótenshe jaǵdailar komiteti.
Al aýa raiynyń jyly bolýyna bailanysty Semei qalasynyń mańynda seń turyp, ózendegi sý deńgeii kóterilip keledi. Sý deńgeii munan ary kóterile beretin bolsa Vostochnyi, Mirnyi jáne Polkovnik araly eldi mekenderi aýmaǵyndaǵy turǵyn úilerdi sý basý qaýpi bar.
«Halyqty qorǵaý sharalaryn jedel qabyldaý maqsatynda Semei qalalyq TJB «IIM TJK Qazseldenqorǵaý» memlekettik mekemesiniń ókilderimen birge ózen jaǵalaýyna turaqty monitoring júrgip, táýlik boiy baqylaý beketterin ornatty. Semei qalalyq poltsiia basqarmasynyń jeke quramy aýdandardy sholǵyndap júr. Buǵan qosa, qyzmetkerler halyqqa sý basý qaýpi bar ekendigi týraly eskertip, sý tasyǵan jaǵdaidaǵy bastapqy áreketter jaiynda nusqaýlyq júrgizýde. Azamattyq qorǵanys kúshteri men quraldarynyń is-áreketin úilestirý úshin ShQO Tótenshe jaǵdailar departamentinde jedel shtab quryldy» dep atap ótedi komitetten.
Buǵan deiin Semei qalasynyń ákimi Ermak Sálimovtiń Ertis ózeninde sý deńgeii kóterilýine bailanysty túsinik bergen bolatyn.
