ەرتٸس ٶزەنٸنٸڭ سۋ دەڭەيٸ كٶتەرٸلٸپ, ٶزەننٸڭ بەتٸندە مۇزدىق تۇتاسىپ قاتۋ پروتسەسٸ بايقالادى, – دەپ حابارلايدى قر ٸٸم تٶتەنشە جاعدايلار كوميتەتٸ.
ال اۋا رايىنىڭ جىلى بولۋىنا بايلانىستى سەمەي قالاسىنىڭ ماڭىندا سەڭ تۇرىپ, ٶزەندەگٸ سۋ دەڭگەيٸ كٶتەرٸلٸپ كەلەدٸ. سۋ دەڭگەيٸ مۇنان ارى كٶتەرٸلە بەرەتٸن بولسا ۆوستوچنىي, ميرنىي جەنە پولكوۆنيك ارالى ەلدٸ مەكەندەرٸ اۋماعىنداعى تۇرعىن ٷيلەردٸ سۋ باسۋ قاۋپٸ بار.
«حالىقتى قورعاۋ شارالارىن جەدەل قابىلداۋ ماقساتىندا سەمەي قالالىق تجب «ٸٸم تجك قازسەلدەنقورعاۋ» مەملەكەتتٸك مەكەمەسٸنٸڭ ٶكٸلدەرٸمەن بٸرگە ٶزەن جاعالاۋىنا تۇراقتى مونيتورينگ جٷرگٸپ, تەۋلٸك بويى باقىلاۋ بەكەتتەرٸن ورناتتى. سەمەي قالالىق پولتسييا باسقارماسىنىڭ جەكە قۇرامى اۋدانداردى شولعىنداپ جٷر. بۇعان قوسا, قىزمەتكەرلەر حالىققا سۋ باسۋ قاۋپٸ بار ەكەندٸگٸ تۋرالى ەسكەرتٸپ, سۋ تاسىعان جاعدايداعى باستاپقى ەرەكەتتەر جايىندا نۇسقاۋلىق جٷرگٸزۋدە. ازاماتتىق قورعانىس كٷشتەرٸ مەن قۇرالدارىنىڭ ٸس-ەرەكەتٸن ٷيلەستٸرۋ ٷشٸن شقو تٶتەنشە جاعدايلار دەپارتامەنتٸندە جەدەل شتاب قۇرىلدى» دەپ اتاپ ٶتەدٸ كوميتەتتەن.
بۇعان دەيٸن سەمەي قالاسىنىڭ ەكٸمٸ ەرماك سەلٸموۆتٸڭ ەرتٸس ٶزەنٸندە سۋ دەڭگەيٸ كٶتەرٸلۋٸنە بايلانىستى تٷسٸنٸك بەرگەن بولاتىن.
