«Semeidi súiý – tarihqa bas iiý»: Semeide Qala kúni keń kólemde atalyp ótti

Semeide Qala kúnine arnalǵan merekelik is-sharalar Qaraǵaily yqsham aýdanyndaǵy Respýblika alańynda aýqymdy gala-kontsertpen qorytyndylanyp jatyr. Biyl qala turǵyndary men qonaqtaryna arnalǵan merekelik baǵdarlama «Semeidi súiý – tarihqa bas iiý» taqyrybynda uiymdastyrylyp, jeti kúnge jalǵasty.

Foto: Abai oblysy ákiminiń baspasóz qyzmeti

Gala-kontserttiń ashylýynda sóz sóilegen oblys ákimi Berik Ýáli barsha semeilikterdi Qala kúnimen quttyqtady.

«Barshańyzdy Semei qalasynyń týǵan kúnimen shyn júrekten quttyqtaimyn! Semei – tarihy tereń, taǵylymy mol, Alashtyń astanasy bolǵan erekshe qala. Semeidi súiý – tarihqa bas iiý. Qazaq memlekettiginiń tarihy Semei qalasymen tyǵyz bailanysty. Alash qairatkerleri osy qalada qyzmet etti. Semei – tuńǵyshtar mekeni. Tuńǵyshtardyń barlyǵy Semei topyraǵynda dúniege kelgen. Biz osymen maqtanamyz. Búginde Semei qalasy Memleket basshysynyń tikelei qoldaýynyń arqasynda kúnnen kúnge kórkeiip keledi. Biyl oblys ortalyǵyndaǵy 700-ge jýyq turǵyn úige alǵash ret jazda ystyq sý berildi. Júzge jýyq kósheler jańartylyp, aýlalar abattandyrylyp, joldar jóndelip, jańa keiipke enip jatyr. «Abaiǵa qurmet» aktsiiasy aiasynda kóptegen mádeniet, sport nysandary salynýda. Biyl Qala kúni alǵash ret keń aýqymda, bir apta kóleminde, joǵary deńgeide atap ótildi. Týǵan qalamyzdyń ósip-órkendeýine úles qosyp, árbir igi iske qoldaý bildirip júrgen barsha azamattarǵa alǵys bildiremin», – dedi aimaq basshysy.

Qala kúnine arnalǵan merekelik sharalar aiasynda 20-dan astam mádeni jáne sporttyq is-shara ótti. Ulttyq sport túrlerinen jarystar, kórmeler, balalar óner festivali, kontserttik baǵdarlamalar jáne basqa da mádeni is-sharalar uiymdastyryldy. Báige, aýdaryspaq, arqan tartys, qol kúresi, gir kóterý, jekpe-jek jáne «Semei batyry» saiystary qala turǵyndarynyń erekshe qyzyǵýshylyǵyn týdyrdy. Sondai-aq, salaýatty ómir saltyn dáripteitin «TUNGI RUN – SEMEY» túngi júgirý jáne ulttyq oiyndar arqyly halqymyzdyń dástúri men rýhani qundylyqtary keńinen dáripteldi.

Jeti kúnge sozylǵan merekelik sharalardyń qorytyndysy retinde Respýblika alańynda úlken Open Air Gala-kontserti ótip jatyr. Sahnada Turar Ydyrys, Aidana Medenova, AYREE, Ernar Amandyq, sondai-aq, Qyrǵyzstannan AMIRCHIK, Germaniiadan NANA DARKMAN jáne Moldovadan ARSENIUM FROM O-ZONE syndy tanymal ánshiler óner kórsetedi. Merekelik kesh otshashýmen túiindeledi.