Semei qalasynda qurylys jumystary júrgizilip jatqan aýmaqtan adam súiekteri tabyldy. Bul aqparatty áleýmettik jelilerde taraǵan málimetten keiin politsiia rastady, dep habarlaidy ult.kz.
Politsiianyń habarlaýynsha, súiekter burynǵy «Pishevik» stadionynyń ornyndaǵy qurylys alańynan shyqqan.
«Oqiǵa ornyna politsiia qyzmetkerleri jedel jetti. Tabylǵan súiek qaldyqtary olardyń adamǵa tiesili ekenin, shyǵý tegi men kómilgen ýaqytyn anyqtaý úshin sot-saraptamasyna jiberildi», – dep málimdedi vedomstvo.
Quqyq qorǵaý organdary osyndai jaǵdaiǵa tap bolǵan azamattardy tabylǵan zattarǵa qol tigizbei, dereý politsiiaǵa habarlaýǵa shaqyrdy.
Aita keteiik, buǵan deiin Semeidiń ortalyq bóliginde ólketanýshylar burynǵy bekinis ziratynyń ornynda bolýy múmkin birneshe kóne qulpytas tapqan edi. Olardyń biriniń orys jazýshysy Fedor Dostoevskiidiń ainalasyndaǵy adamdarmen bailanysy bolýy múmkin ekeni aitylǵan.
