Semei mańyndaǵy Vodnyi kentinde 19 jastaǵy qyz pyshaq jaraqatynan qaza tapty. Aldyn ala málimet boiynsha, kúdik marqumnyń burynǵy jigitine túsip otyr, dep habarlaidy ult.kz.
«Jetinshi arnanyń» málimetinshe, qaiǵyly oqiǵa kent kósheleriniń birinde bolǵan. Kýágerlerdiń aitýynsha, janjal kezinde qyzdyń qatty aiǵailaǵan daýysy estilgen. Turǵyndar syrtqa shyqqanda, ony jerden tapqan. Oqiǵa ornyna jedel járdem shaqyrylǵanymen, qyzdyń ómirin saqtap qalý múmkin bolmaǵan.
Kýágerlerdiń sózinshe, kúdikti oqiǵa ornynan qashyp ketken. Ol jaqyn mańdaǵy úilerdiń biriniń qorshaýynan sekirip ótip, izin sýytqan. Oqiǵa ornynda alǵashqy kómek kórsetilgenin ańǵartatyn meditsinalyq buiymdar qalǵan.
«Aiǵaidy estidim. Shý, tóbeles bastaldy. Qyz qatty aiǵailady. Sosyn qarasam, ol jerde jatyr eken. Janyndaǵy jigitter jylap turdy», – deidi kent turǵyny.
Qazir politsiia qylmystyń mán-jaiyn anyqtap, kúdiktini izdeý jáne is boiynsha tergeý jumystaryn júrgizip jatyr.
