Abai oblysyndaǵy «Semei ormany» memlekettik orman tabiǵi rezervatynda orman órtin sóndirý jumystary táýlik boiy úzdiksiz júrgizilip jatyr, dep habarlaidy ult.kz.
Ekologiia jáne tabiǵi resýrstar ministrliginiń málimetinshe, 17 shilde saǵat 08:00-degi jaǵdai boiynsha tilsiz jaýmen kúreske 769 adam, 191 birlik jerústi tehnikasy jáne 8 tikushaq jumyldyrylǵan.
Órt aýmaǵyndaǵy jaǵdaidy Ekologiia jáne tabiǵi resýrstar ministri Erlan Nysanbaev pen Abai oblysynyń ákimi Berik Ýáli tikushaqpen áýeden baqylap shyqty.
Túngi ýaqytta órt sóndirýshiler órttiń búkil perimetri boiynsha jumys júrgizip, jalynnyń ári qarai taralýyna jol bermeý úshin shetterin baqylap, sóndirý sharalaryn atqarǵan.
Tańerteń jetýi qiyn ýchaskelerge jaiaý desant jiberilip, órttiń ishki oshaqtaryn sóndirý jumystary bastaldy. Sonymen qatar áýe tehnikasy arqyly sý tógý jalǵasýda.
Ministrliktiń habarlaýynsha, qazirgi ýaqytta órt oshaǵynda ashyq janý baiqalmaidy. Mamandar jekelegen tútindeý oshaqtaryn tolyq sóndirý jumystaryn júrgizip jatyr.
Órtti sóndirý bastalǵaly beri aviatsiia 243 ret sý tógip, jalpy 546 tonna sý jetkizgen.
