Daily Mail basylymynda AQSh jáne Kanada ǵalymdary jasaǵan sýretke túsirýdiń jańa tehnologiiasy týraly maqala jaryq kórdi. Onda Kanadanyń Ulttyq ǵylymi zertteý institýtynyń professory Tszinan Lian bastaǵan bir top ǵalym álemdegi eń jyldam kamerany qurastyrǵany jáne jańa tehnologiia týraly Light: Science & Applications ǵylymi jýrnalynda jan-jaqty jazylǵany aitylǵan.
«Bul kamera T-CUP dep atalady jáne ol sekýndyna 10 trillion (1013) kadr túsiredi. Iaǵni, kamera ýaqytty toqtatqandai áser qaldyryp, jaryqqa deiingi fenomenderdi qaraýǵa múmkindik beredi», - dep jazady basylym.
«Femtosekýndty kamera arqyly sýretke túsirgende onyń sapasy buzylatyny belgili. Sol sebepti biz jańa tehnologiia jasaý barysynda jaqsy nátijege qol jetkizý úshin statikalyq sýret alatyn taǵy bir kamerany qostyq. Radondy transformatsiia arqyly biz sekýndyna 10 trillion joǵary sapaly kadr jasai alatyn kamera jasap shyǵardyq», - deidi ǵalymdar.
Maqala avtorynyń aitýynsha, bul kamera kadr sany boiynsha álemde rekord jasap tur. Sondai-aq, T-CUP bolashaqta biomeditsinadaǵy jańa mikroskoptar jasaý barysynda qoldanylýy múmkin.
«Bul - ǵylymdaǵy erekshe jańalyqtardyń biri», - deidi avtor.
