Osy jyldyń 8 aiy ishinde investitsiia kólemi 598 mlrd teńgeni qurady, onyń ishinde 158 mlrd sheteldik investitsiia. Bul ótken jylǵymen salystyrǵanda úsh esege kóp, dep habarlaidy "Ult aqparat" Astana ákimdiginiń resmi saityna silteme jasap.
Sondai-aq ishki investitsiianyń da úlesi 10,2-den 26,5 % deiin ósti. 2018 jyldyń qorytyndysy boiynsha 1 trln teńge tartý josparlanyp otyr.
«Ótken jyly investitsiia kólemi rekordtyq kórsetkishke jetti, iaǵni 957 mlrd teńge. Onyń 200 mlrd teńgesi – sheteldik investitsiia. Bul 2016 jylǵa qaraǵanda úsh-tórt esege kóp kórsetkish», - dedi biýdjet, ekonomika, ónerkásip pen kásipkerlik máselesi boiynsha Astana qalalyq máslihatynyń komissiialyq otyrysynda qalalyq investitsiia jáne kásipkerlikti qoldaý basqarmasy basshysynyń orynbasary Gúlmira Ermoldina.
Al máslihat depýtaty Gaidar Kasenov zamanaýi tehnologiia salasyndaǵy jobalardy, óndiristik sektorlarda qyzmet kórsetý salasy men saýda qatarlaryn damytý qajettigin aityp ótti.
