Foto Sinegor.kz jáne Aqmola oblysy TJD alyndy
Shýchinskide 65 jastaǵy muǵalim sýǵa batyp bara jatqan balany qutqarý kezinde qaza tapty. Aqparatty Aqmola oblysy Tótenshe jaǵdailar departamentiniń baspasóz qyzmeti rastady, - dep habarlaidy Tengrinews.kz.
"Keshe Shýchinsk qalasynda kólde batyp bara jatqan balany qutqarý kezinde 1958 jyly týǵan er adam sýǵa ketti. Er adam balany qutqaryp qaldy. Biraq ózin qutqara almady", - dedi vedomstvo ókilderi.
Qutqarýshylar oblys turǵyndary men qonaqtardan sýda qaýipsizdik erejelerin saqtap, balalaryn qaraýsyz qaldyrmaýyn suraidy.
Al Sinegor.kz portalynyń málimetinshe, qazap tapqan azamat alǵashqy áskeri daiyndyq pániniń muǵalimi bolǵan.
"2023 jyldyń 12 shildesinde balanyń ómirin saqtap qalǵan, eńbek sińirgen ustaz, óz isiniń kásibi mamany Aleksandr Ivanovich Rýdenko ómirden ozdy. Ol alǵashqy áskeri daiarlyq pániniń muǵalimi, janashyr jáne zeiindi adam boldy. Joǵary bilimdi, tájiribeli moraldyq-etikalyq printsipterdi ustanǵan ol pedagogikalyq ujymda da, oqýshylar men ata-analar arasynda da árqashan qurmet pen súiispenshilikke ie boldy. Bul bizdiń zamanymyzdaǵy batyldyq pen jaýapkershiliktiń sirek kezdesetin úlgisi. Dańqty ólim deýge bolady", - delingen habarlamada.
