Foto: Pixabay
Memleket basshysynyń Aqmola oblysy Shýchinsk qalasynyń 19 jastaǵy turǵynynyń ólimin jan-jaqty tergeý boiynsha berilgen tapsyrmasymen IIM ortalyq apparaty men oblystyq politsiia departamenti qyzmetkerleriniń qatarynan arnaiy jedel-tergeý toby qurylyp, oqiǵa ornyna shyqty, dep habarlaidy "Ult aqparat" IIM baspasóz qyzmetine silteme jasap.
"Qosymsha QR QK-niń 105-baby boiynsha (Ózin-ózi óltirýge deiin jetkizý), sondai-aq qaza tapqan adamnyń týystarynyń odan aqsha bopsalandy degen aryzymen QR QK-niń 194-baby 2-bóligi boiynsha qylmystyq ister qozǵaldy.
Bolǵan oqiǵanyń barlyq mán-jaiyn anyqtaýǵa baǵyttalǵan qajetti tergeý áreketteri júrgizilip jatyr.
Aldyn ala tergeý nátijeleri boiynsha quqyqtyq baǵa beriletin bolady. Tergeý barysy Ishki ister ministrliginiń erekshe baqylaýynda" - delingen habarlamada.
Qylmystyq is júrgizý kodeksiniń 201-babyna sáikes tergeý múddesinde ózge de aqparat jariia etilýge jatpaidy.
