Aqmola oblysynyń Shýche qalasynda maska rejimin buzǵan zańdy tulǵalar jaýapqa tartyldy, dep habarlaidy "Ult aqparat" oblystyq PD baspasóz qyzmetine silteme jasap.
Vedomstvonyń málimetinshe, qyrkúiektiń 12-de Býrabai aýdandyq PB qyzmetkerleri Shýche qalasyndaǵy mektepterdiń birinde Aqmola oblysynyń bas sanitar dárigeriniń 30 tamyzdaǵy №109 qaýlysynyń talaptary buzylǵanyn, iaǵni maska rejimin buza otyryp, mádeni-kópshilik shara ótkizilgenin anyqtady.
«Osyǵan bailanysty zańdy tulǵanyń ústinen QR ÁQbK 425-babynyń 1-bóligi boiynsha ákimshilik zańbuzýshylyq jóninde hattama toltyryldy. Iaǵni, 230 ailyq eseptik kórsetkish kóleminde aiyppul túrinde ákimshilik shara qoldanyldy. Aiyppul kólemi - 319 470 myń teńge» deidi vedomstvodan.
Osy rette tártip saqshylary oblys turǵyndaryn bas sanitar dárigerdiń qaýlysyndaǵy talaptardy saqtaýǵa shaqyrady.
Eske sala ketsek, buǵan deiin IQanat High School of Burabay mektebinde sanitarlyq karantin talaptarynyń buzylý faktisi boiynsha jospardan tys tekserý bastalǵan bolatyn.
