Saiasattanýshy Erlan Saiyrov sanitarlyq-epidemiologiialyq sharalardy saqtaý qalypty jaǵdaiǵa ainalýy kerek ekenin aitty, dep habarlaidy QazAqparat.
«Koronavirýs indeti bizdiń kúndelikti ómirimiz ben mádeni ortamyzǵa úlken ózgeris ákeldi. Búgingi tańda áleýmettik-ekonomikalyq, mádeni jáne gýmanitarlyq salada úlken ózgeris bolyp jatyr. Endi adamdardyń kúndelikti ómirlerinde ózgeris bolýy kerek. Halyq koronavirýspen birge ómir súrýge beiimdelýi qajet. Bul ne degen sóz? Bul - ár adam sanitarlyq epidemiologiialyq sharalardy saqtap, maska taǵyp, áleýmettik qashyqtyqty saqtai bilýi kerek degen sóz», - deidi Erlan Saiyrov.
Onyń aitýynsha, bul sharalar biz úshin qalypty jaǵdaiǵa ainalýy kerek.
«Eger qoǵam men bilik osy sharalardy saqtamasa - koronavirýs indetin jeńe almaidy. Biz birlese jumys isteýimiz kerek: bilik jáne halyq. Kúsh biriktirgende ǵana koronavirýsty jeńe alamyz. Indettiń ekinshi tolqyny bolýy múmkin. Onymen álem bolyp kúresýge daiyn bolýymyz kerek. Ókinishke qarai, birinshi kezeńde memleket te, qoǵam da daiyn bolmady. Endi ekinshi tolqynǵa myqtap daiyndalýymyz kerek. Úkimet halyqty meditsinalyq qajettiliktermen qamtamasyz etip, barlyq infraqurylymdy daiyndaýy kerek, al halyq koronavirýs indetinen qorǵanýǵa qatysty barlyq erejeni saqtaýy tiis», - deidi ol.
