Túrkistan oblysy Sairam aýdanynyń kásipkerleri 5 mln teńge kóleminde qarjy jinap, onyń 3,5 mln teńgesine 19 meditsinalyq tynys alý qurylǵysyn satyp alǵan, dep habarlaidy "Ult aqparat".
Ókpe qabynýyna, koronavirýs indetine shaldyqqan naýqastarǵa asa qajet qurylǵylar aýdandyq ortalyq aýrýhanalarǵa ornatyldy.
Igi bastamany Qarabulaq aýylynyń turǵyny, erikti B.Hasantaev uiymdastyryp, qajetti meditsinalyq qurylǵylar Almaty qalasynan jetkizilgen.
Sondai-aq, volonterler ottegi ballondaryn toltyrý jumystaryna da atsalysýda.
Kásipkerler demeýshiliginen artylǵan qarajatqa aýrýhanaǵa azyq-túlik alynǵan. Sebebi, ondaǵy meditsina qyzmetkerleri 14 kúnge deiin úiinen oqshaýlanyp, eriktiler sonda qyzmet kórsetip keledi.
Aita keteiik, aýdan boiynsha Aqsýkent jáne Qarabulaq ortalyq aýrýhanalarynda 87 oryn bar. Qosymsha Qarabulaq aýylyndaǵy «SAPA» jekemenshik meditsinalyq ortalyǵynan taǵy 30 oryn ashylǵan.
