Túrkistan oblysynyń Sairam aýdanynda 2018 jyldyń 10 aiynda jalpy óńirlik ónim kólemi 127,3 mlrd.teńgege jetip, ótken jylǵa qaraǵanda ósim 2,9 paiyzdy qurady. Nátijesinde jan basyna shaqqandaǵy jalpy óńirlik ónim kólemi 629,5 myń teńge bolyp, ósim 4,6 paiyzǵa jetken. Bul týraly Túrkistan oblysynyń Óńirlik kommýnikatsiialar qyzmetinde ótken brifingte Sairam aýdanynyń ákimi Baqtiiar Mamaev málimdedi.
Sondai-aq, aýdanda ónerkásip salasynda aǵymdaǵy jyldyń 10 aiynda 33,6 mlrd. teńgeniń ónimi óndirilgen, damý kontseptsiiasyna sáikes jyl sońyna deiin 38,7 mlrd. teńgege ónim óndirý kútilýde. Oblys deńgeiindegi ónerkásip ónimi óndirisi boiynsha aýdannyń úlesi 9,8 paiyzdy qurap, aimaqta 2 orynǵa turaqtaǵan.
Al aýyl sharýashylyǵy salasynda 53,3 mlrd.teńgege ónim óndirilip, byltyrǵy jylmen salystyrǵanda ósim 7,6 paiyzdy qurady.
«Oblysta aýyl sharýashylyǵy ónimderiniń úlesi boiynsha aýdan 11,2 paiyzben kósh bastap tur. Tamshylatyp sýǵarý jospary 150 gektarǵa josparlansa, 10 aidyń kórsetkishi boiynsha 152,5 gektarǵa engizilgen. Jylyjai salý jospary 10 gektar, qazirgi tańda salynǵany - 3,76 gektar. Qarqyndy baý egý jospary - 50 gektar, oryndalǵany - 50,6 gektardy quraidy», - dedi Baqtiiar Saparáliuly.
Aýdanda mal sharýashylyǵy salasynda 31,3 mlrd.teńgege ónim óndirilip, ósim 10,7 paiyzdy quraǵan. Ótken jyldyń sáikes kezeńimen salystyrǵanda iri qara mal basy - 27,5 paiyzǵa, qoi men eshki - 1,8 paiyzǵa, jylqy - 13,2 paiyzǵa, qus - 8,3 paiyzǵa kóbeigen. Búgingi tańda aýdanda 989 mal bordaqylaý alańdarynda bir mezette 32-33 myń bas mal bordaqylanýda. 2018 jylǵa 320 tonna mal etin eksporttaý josparlansa, 10 aida 393 tonna mal eti eksportqa shyǵarylǵan.
Jalpy, aýyl sharýashylyǵy salasynda 10 ai kóleminde kontseptsiiadaǵy josparlanǵan kórsetkishterge qol jetkizilip, salaǵa 2,4 mlrd.teńge investitsiia tartylǵan.
