Foto: EK/Alimjan BARANGÝLOV
Orman sharýashylyǵy jáne janýarlar dúniesi komitetiniń birqatar laýazymdy qyzmetkeri jemqorlyq áreketi úshin kúdikti retinde ustaldy, - dep habarlaidy "Ult aqparat" Sybailas jemqorlyqqa qarsy is-qimyl Agenttiginiń baspasóz qyzmetine silteme jasap.
"Shymkenttiń sybailas jemqorlyqqa qarsy qyzmeti Ekologiia jáne tabiǵi resýrstar ministrligi Orman sharýashylyǵy jáne janýarlar dúniesi komitetiniń "Sairam-Ógem memlekettik ulttyq tabiǵi parki" RMK bas direktoryna, onyń birqatar baǵynystylaryna, sonymen birge komitettiń býhgalterlik esep jáne biýdjettik josparlaý basqarmasynyń basshysyna qatysty aldaý jáne senimge qiianat jasaý, para berý jáne alý arqyly ózge múlikti urlady degen kúdik boiynsha sotqa deiingi tergeý júrgizedi", - delingen Antikor taratqan habarlamada.
Qazirgi ýaqytta laýazymdy tulǵalar ustalyp, ýaqytsha ustaý izoliatoryna qamaýǵa alyndy. Tergeý júrip jatyr. Tergeý múddesi úshin ózge aqparat jariia etýge jatpaidy.
