Sairam aýdanynda 2018 jyldyń 10 aiynda 13,9 mlrd.teńge investitsiia tartylǵan. Oblys kóleminde investitsiia boiynsha aýdannyń úlesi 6,5 paiyzdy quraidy. Bul týraly Túrkistan oblysynyń Óńirlik kommýnikatsiialar qyzmetinde ótken brifingte Sairam aýdanynyń ákimi Baqtiiar Mamaev málimdedi.
Aýdandaǵy kásipkerlik salasy boiynsha belsendi sýbektilerdiń sany 14665 birlikke jetip, ósim 12,8 paiyzdy quraǵan.
«Óńirde 324 shaǵyn jáne orta kásipkerlik sýbektileri tirkelip, onda 992 jumys orny ashylǵan. 2018 jyly kásipkerlik salasynda 85,8 mlrd.teńgeniń ónimin óndirý josparlanyp, 10 ai kóleminde 93,7 mlrd.teńge ónimi óndirilgen. Nátijesinde jyldyq jospar 109,2 paiyzǵa oryndalǵan. Sondai-aq, «Biznestiń jol kartasy 2020» baǵdarlamasy aiasynda 10 ai kóleminde 5 jobaǵa 103 mln.teńgege qoldaý kórsetildi. Kásipkerlikti qarjy institýttary arqyly qarjylai qoldaý maqsatynda aýdan kólemindegi mikrokredittik uiymdar arqyly 8 myńǵa jýyq adamǵa 4 mlrd. 367 mln.teńge nesie berilgen», - dedi Baqtiiar Saparáliuly.
Turǵyn úi kommýnaldyq sharýashylyq salasy boiynsha aýdandaǵy 42 eldi mekenniń 97,6 paiyzy ortalyqtandyrylǵan aýyz sý qubyrymen qamtamasyz etilgen. Tabiǵi gazben aýdandaǵy 42 eldi mekenniń 19 eldi mekeni nemese 45,2 paiyzy qamtylǵan. Damý kontseptsiiasyna sáikes 2018-2021 jyldar aralyǵynda 23 eldi meken turǵyndaryn tabiǵi gazben qamtamasyz etip, 100 paiyzǵa jetkizý josparlanyp otyr.
Sondai-aq, aǵymdaǵy jyly aýdandyq mańyzy bar 8 shaqyrym joldy kúrdeli jóndeýden ótkizý jáne 72,7 shaqyrym 66 ishki joldardy ortasha jóndeýden ótkizý jumystaryna barlyǵy 1735,1 mln.teńge bólingen.
