Prezident sailaýy qarsańynda qoǵamdyq bastama negizinde el azamattary qurǵan «BAQYLA» qoǵamdyq qozǵalysy elimizde 2023 jyldyń 19 naýryzy kúni ótken QR Parlamenti Májilisi men maslihattar sailaýynda elishilik turaqtylyq pen sailaý protsedýralarynyń qatań saqtalýyn qamtamasyz etý úshin sailaý ýchaskelerin qamtityn óńirlik shtabtarda baqylaýshylyq jasady.
Aýmaqtyq baqylaýshylar jelisi jumysy Almaty qalasyndaǵy Ortalyq shtab pen elimizdiń 17 qalasynda ornalasqan óńirlik shtabtar arqyly júrgizildi.
Qoǵamdyq qozǵalys 2022 jylǵy kezekten tys prezident sailaýynda 27 qalada daýys berý barysyn qadaǵalaý jumysyn sátti atqarǵan bolatyn.
Al biylǵy QR Parlamenti Májilisi men maslihattar sailaýynda «BAQYLA» qoǵamdyq qozǵalysy sailaý protsesin baqylaýǵa aralasyp, respýblika boiynsha 25 qala men eldi-mekendi qamti aldy. Sonymen qatar, 5 myńnan astam baqylaýshyny oqytty.
Sailaý kúni eldegi barlyq sailaý ýchaskesiniń 3 myńyn, iaǵni 30 paiyzyn qamti aldyq dep aita alamyz.
Osyǵan bailanysty 2023 jyldyń 20 naýryzy kúni Almaty qalasynda «BAQYLA» QQ bastamashylary arnaiy baspasóz jiynyn ótkizdi.
Ashat Qasenǵali, saiasattanýshy:
Sailaý kúni 300-den astam zań buzýshylyq tirkeldi. Tańǵy 06:00-den bastalǵan sailaý protsesi baqylaýshylarǵa oryn bermeý, daýys berý kabinkalaryna eki-úsh adamnan kirý, daýys sanaý barysyna qatystyrmaý jáne hattama bermeýge tyrysý siiaqty zańsyzdyqtar bolatyn. Baqylaýshylarǵa oryn bermei, 100-ge jýyq baqylaýshy sailaýdy turyp baqylaýǵa májbúr boldy. Zań buzý faktileri jaily aqparattar áli de jinaqtalýda. Bir mandatty júiemen túskenderge qatysty aqparattar kelýde. Eldegi aqparattyq dúmpý jaǵynan eń tartysty ótken, al daýys berýshiler jaǵynan antirekordtyń biri ornaǵan sailaýda táýelsiz baqylaýshylar óz mindetterin tiisti dárejede atqardy.
Maqsat Jaqaý, saiasattanýshy:
2023 jylǵy Parlament Májilisi men maslihatyna bolǵan sailaý, barlyq úmit artqan bastamalarymen, biliktiń byltyrǵy Joldaýda aitylǵan ýádelerdiń is júzinde oryndala bastaýymen bailanysty. Sailaýǵa daýys berýshilerden góri kandidattar men baqylaýshylar belsendi ári kóp qatysty. Bul sailaýda kópten beri bolmaǵan jeti saiasi partiianyń qatysýyn baqyladyq. Bul sáikesinshe, Prezident Qasym-Jomart Kemelulynyń Parlamentte pikirler alýandyǵyn jasaqtaityn kóppartiialyq júie men jeke mandatpen keletin depýtattardyń kóptep bolýyna jaǵdai týǵyzý qajettiligi edi. Atalǵan saiasi ózgeristerdiń bastamasy júzege asyrylýda, buǵan keshegi sailaýlar kýá. Jalpy sailaýǵa kózi tórteý bolyp elimizde 90-100 myńǵa jýyq erikti táýelsiz baqylaýshylar sailaýdyń zańnyń aiasynda taza ári ádil ótýine atsalysty. Bul demokratiianyń jańa qarlyǵashtary, ádildik pen adaldyqtyń qorǵaýshylary hám qoldaýshylary dep qabyldaýymyz kerek. Osylaisha sailaýdan-sailaýǵa qadam basqan saiyn saiasi mádeniettilik pen demokratiialyq ilgerileý bolady. Bul - zańdylyq.
