sýret ashyq derekkózden alyndy
Premer-ministrdiń orynbasary - qarjy ministri Erulan Jamaýbaev qazaqstandyq partiialardyń biýdjetten alatyn aqshasy týraly aitty, - dep habarlaidy Tengrinews.kz portaly.
"Jaqyn arada 2023 jylǵa arnalǵan biýdjetti naqtylaý boiynsha Parlamentke baramyz. Bul turǵyda Ortalyq sailaý komissiiasynyń derekteri aiasynda osy biýdjetti qaita qarap, partiialar arasynda bólemiz. Zań boiynsha bul qarajatty Parlamentke fraktsiia bolyp engen partiialar alady", - dedi Erulan Jamaýbaev.
Osy oraida ministr jinaǵan daýys sanyna qarai tiisti ádisteme bar ekenin jáne osy daýystar boiynsha qarjylandyrý júrgiziletinin aitty.
"Máselen, 2022 jyly shamamen 8,5 milliard teńge qarastyrylǵan edi. Onyń basym bóligi Amanat partiiasyna, 1 milliard teńgege jýyǵy "Aq jolǵa", sondai-aq 800 million teńge Qazaqstan halyq partiiasyna bólindi", - dedi Jamaýbaev.
Parlamentte kóbirek daýys jinaǵan partiiaǵa biyl da kóbirek aqsha bóline me degen suraqqa ministr: "Iá, durys. Bul daýys sanyna bailanysty", - dep jaýap berdi.
