Elordadaǵy Oqýshylar saraiynda aldaǵy prezidenttik sailaýdy uiymdastyrýshylarǵa jáne daýys berý protsesine qatysýshylarǵa arnalǵan seminar ótti, dep habarlaidy "Ult aqparat".
Qala ákimdiginiń baspasóz qyzmetinen málim etkendei, seminarǵa aýmaqtyq sailaý komissiialarynyń músheleri, ýchaskelik sailaý komissiialarynyń tóraǵalary men hatshylary, sot, tótenshe jaǵdai jónindegi basqarma ókilderi qatysty.
Belgili bolǵandai, daýys berýshiler tiziminen ózin tappaǵan azamattar úshin mobildi Halyqqa qyzmet kórsetý ortalyqtary jumys isteitin bolady.
«Ár sailaý ýchaskesinde telefon, ǵalamtor jáne Halyqqa qyzmet kórsetý ortalyǵy (HQKO) úshin mobildi bailanys operatorlarynyń jeke jelisi siiaqty bailanys quraldary ornatylady. Bul jolǵy sailaýdaǵy jańalyqtyń biri - 204 sailaý ýchaskesinde halyqqa mekenjailyq anyqtamalar beretin mobildi Halyqqa qyzmet kórsetý ortalyqtary (HQKO) ashylady. Sailaýshylardyń belsendiligin arttyrý maqsatynda uiymdastyrylatyn mobildi HQKO 2019 jyldyń 1 maýsymynda testileý tártibinde iske qosylady», - delingen aqparatta.
«Árbir ashyq ýchaskede daýys berýge arnalǵan 4 standartty kabina jáne múmkindigi shekteýli azamattarǵa arnalǵan 1 kabina ornatylǵan. Jabyq sailaý ýchaskeleri 2 standartty kabinamen jáne qajetine qarai múmkindigi shekteýli azamattarǵa arnalǵan kabinalarmen jabdyqtalady. Sondyqtan jabyq sailaý ýchaskelerindegi komissiia tóraǵalarynan múmkindigi shekteýli azamattarǵa arnalǵan kabinaǵa ótinimder joldaýdy suraimyn», - dep túsindirdi Nur-Sultan qalasy ákiminiń orynbasary Erlan Qanalimov.
Barlyq ýchaskelerdi tolyq materialdyq-tehnikalyq jaǵynan jaraqtandyrý jumystary 20 mamyrǵa deiin aiaqtalady.
«Jumys barysynda 238 ýchaskede 17 pandýstyń joq ekendigin anyqtadyq. Bul kemshilikterdi joiý úshin arnaiy mamandandyrylǵan kompaniiany tarttyq. Bul jerde biz qaiyrymdylyq is emes, múgedekterdiń qoǵamnyń tolyqqandy múshesi retindegi zańdy quqyqtaryn qorǵaýdy qamtamasyz etemiz. Múmkindigi shekteýli adamdarǵa arnalǵan qolaily ortany qurýda elorda ózge óńirlerge úlgi bolýy tiis», - dep málimdedi Erlan Qanalimov.
