QR Ortalyq sailaý komissiiasy aldaǵy Májilis pen máslihattar sailaýynyń biýlleteninde saiasi partiialardyń ataýy qandai tártippen ornalasatynyn aiqyndaý úshin jerebe ótkizdi, dep habarlaidy "Ult aqparat".
Jerebe ashyq ári onlain rejimde ótkizildi.
1-den 5-ke deiingi nómirler konvertterge salyndy. Osydan keiin ár partiianyń ókili kelip, konvertti, iaǵni nómirdi tańdap aldy.
Jerebe qorytyndysy boiynsha tizimde birinshi bolyp Qazaqstan halyq partiiasy turatyn boldy. Ekinshi nómirde - Nur Otan, úshinshi nómirde - Aýyl, odan keiin Aq jol men Adal partiialary ornalastyrylady.
Sailaý biýlleteninde saiasi partiialardyń tizimi osyndai tártippen jazylady.
