Sailaý aldyndaǵy úgit materialdaryn ornalastyrý úshin internet-alańdy usyný sharttary

Foto: el.kz

2023 jylǵy 14 qańtardaǵy sailaýǵa qatysatyn Qazaqstan Respýblikasy Parlamenti Senatynyń depýtattyǵyna kandidattarǵa «ULT MEDIA (Ýlt media)» Qoǵamdyq qoryna qarasty https://ult.kz// saityndaǵy internet-alańdy usynýdyń jalpy sharttary:

https://ult.kz// saitynyń (budan ári – Sait) iesi – «ULT MEDIA (Ýlt media)» Qoǵamdyq qory «Qazaqstan Respýblikasyndaǵy sailaý týraly» Qazaqstan Respýblikasynyń 28.09.1995 jylǵy Konstitýtsiialyq zańyna sáikes, sailaý aldyndaǵy úgit materialdaryn (budan ári – úgit materialdary) Saitqa ornalastyrý úshin internet-alańdy usyný tóleminiń mólsheri, sharttary men tártibi týraly habardar etedi.

Sailaý aldyndaǵy úgit Qazaqstan Respýblikasy Parlamenti Senatynyń depýtattyǵyna kandidattardy tirkeý merzimi aiaqtalǵan sátten bastalady jáne sailaý kúniniń aldyndaǵy kúni jergilikti ýaqyt boiynsha saǵat nólde aiaqtalady. Osylaisha, úgit materialdaryn Saitta ornalastyrý 2022 jylǵy 24 jeltoqsan saǵat 18.00-den 2023 jylǵy 13 qańtar saǵat 00.00-ge deiin júzege asyrylady.

Sait internet-alańdy jazbasha ótinish, sondai-aq Sait iesi men Kandidat arasynda ne Kandidattyń ýákiletti ókilimen jasalatyn shart negizinde usynady. Úgit materialdarynyń sany men ornalastyrý kezeńi Kandidattyń ne onyń ýákiletti ókiliniń jazbasha ótinishinde kórsetiledi, sodan keiin olar sharttyń talaptarymen bekitiledi.

Ótinish Kandidattardyń ótinishterin tirkeý jýrnalynda kezektilik tártibimen árbir jazbasha ótinishke rettik nómiri men kelip túsken kúnin berý arqyly tirkeledi.

Jazbasha ótinishke mynadai qujattar qosa berilýge tiis:

1) Kandidattyń tirkelgenin rastaityn qujattyń kóshirmesi;

2) Kandidat ókiliniń ókilettigin rastaityn qujat kóshirmesi;

3) Ótinish berýshi tulǵanyń jeke kýáliginiń kóshirmesi;

4) Shart jasasý úshin tulǵanyń ókilettigin rastaityn qujattar.

Kandidattardyń úgit materialdaryn Saitta ornalastyrý kezektiligi jazbasha ótinishterdiń túsý tártibimen nemese ótinishter bir mezgilde kelip túsken jaǵdaida jerebe boiynsha belgilenedi. Jerebe ótkizý tártibi men sharttaryn Sait aiqyndaidy.

Úgit materialdary Saitqa ornalastyrý kúnine deiin 1 (bir) kúntizbelik kúnnen keshiktirilmei HTML5, GIF, JPEG, PNG, Microsoft World formatynda usynylady. Úgit materialdary qarjylandyrý kózderi týraly aqparatty qamtýy tiis.

Úgit materialdaryn usynǵan Kandidattar olardyń mazmunynyń Qazaqstan Respýblikasy zańnamasy talaptaryna, onyń ishinde avtorlyq jáne sabaqtas quqyqtar salasyndaǵy talaptarǵa sáikestigi úshin derbes jaýapty bolady.

Sait iesi úgit materialdarynda konstitýtsiialyq qurylymdy kúshtep ózgertý, respýblikanyń tutastyǵyn buzý, memleket qaýipsizdigine nuqsan keltirý, áleýmettik, násildik, ulttyq, dini, tektik-toptyq jáne rýlyq arazdyqty qozdyrý, qatygezdik pen zorlyq-zombylyqqa tabyný, zańmen qarastyrylmaǵan áskeri qurylymdar qurý ideialary bolsa, sonymen qatar Qazaqstan Respýblikasy Parlamenti Senatynyń depýtattyǵyna Kandidattyń ar-namysyna, qadir-qasietine nemese iskerlik bedeline nuqsan keltiretin aqparat bolǵan jaǵdaida olardy ornalastyrýdan bas tartýǵa quqyly.

Osy aqparattyq habarlamada kórsetilgen internet-alańdy berý sharttary men tártibi Qazaqstan Respýblikasynyń ýákiletti organdarynyń talaptaryna sáikes túzetilýi múmkin.

Ult.kz táýelsiz internet-basylymynda memlekettik tildegi úgit materialdaryn ornalastyrý

Sait tarapynan materialdar daiyndaý aqysy

Jariialanǵan mátindik materialdar Desktop nusqasynda jáne mobildi nusqada qoljetimdi bolady. 

Saitta úgit materialdaryn ornalastyrýǵa jasalǵan shart boiynsha tólem Saittyń iesi tólemaqyǵa usynǵan esepshot negizinde esepshot usynylǵan kúnnen bastap 5 (bes) jumys kúni ishinde júrgiziledi.

Menshik iesi jazbasha ótinishterdi 2022 jylǵy 21 jeltoqsannan bastap 2023 jylǵy 11 qańtardy qosa alǵanda, demalys jáne mereke kúnderin qospaǵanda, kelesi mekenjai boiynsha qabyldaidy: Almaty qalasy, Abylai han dańǵyly, 105, ofis 101, 102, tel.: 8 (701) 707 40 10, 8 (702) 950 04 14. 

Ótinishter kún saiyn, jumys kúnderi saǵat 10:00-den 17:00-ge deiin qabyldanady.

Faksimildi jáne internet bailanysy arqyly jazbasha ótinishter qabyldanbaidy.

Barlyq material "Tólengen material......" belgisimen birge júredi.