Sailaý aldyndaǵy ýádesin oryndamaǵan depýtatty keri qaitarýǵa múmkin bolady. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda málim etti, dep habarlaidy QazAqparat.
Aita keteiik, búgingi Joldaýda Prezident sailaýdyń proportsionaldy-majoritarlyq modeli týra málimdeme jasaǵan bolatyn.
«Imperativti mandatqa kóshýde depýtattardyń sailaýshylarmen ózara bailanysyn nyǵaita túsedi. Bir sózben aitqanda, endi sailaý aldynda bergen ýádesin oryndamaǵan depýtatty keri qaitarýǵa bolady. Bul halyq qalaýlylaryna yqpal etýdiń taǵy bir joly. Osy ustanym demokratiia dástúrlerin edáýir nyǵaitady. Ózara jaýapkershilik pen senimge negizdelgen jańa saiasi mádenietti qalyptastyrady. Proportsionaldy jáne majoritarly júie qatar qoldanylsa, saiasi partiialardyń róli saqtalady. Olar elimizdegi azamattyq qoǵamnyń basty institýttarynyń biri retinde qala beredi. Sonymen birge bul júie sailaýdy ádil ótkizýge jáne memleketti tiimdi basqarýǵa múmkindik beredi», - dedi Memleket basshysy.
Osy oraida Prezident aralas sailaý úlgisi azamattardyń saiasi belsendiligin arttyryp, elimizdi jańǵyrtý úderisine jumyldyra túsetinine senim bildirdi.
