Ortalyq sailaý komissiiasynyń múshesi Anastasiia Shegortsova sailaý aldyndaǵy «tynyshtyq kúni» úgitshiler qandai tártipti saqtaýy kerektigin túsindirdi, dep habarlaidy "Ult aqparat"
«Sailaý kúni jáne onyń aldyndaǵy kúni sailaý aldyndaǵy kez kelgen úgitke tyiym salynady. Ol - tynyshtyq kúni. Sailaý komissiialarynyń úi-jaiynan jáne daýys berýge arnalǵan úi-jaidan tys jerlerde buryn ilingen basqa da úgit materialdary burynǵy oryndarynda saqtalýy múmkin. Internet jelisinde burynyraqta jariialanǵan úgit materialdary burynǵy ornynda saqtalýy múmkin. Buryn jariialanǵan materialdardy internet-resýrstyń basty betine shyǵarýǵa ruqsat berilmeidi», - dedi Anastasiia Shegortsova Ortalyq sailaý komissiiasynyń otyrysynda.
Komissiia múshesi úgit jumystarynyń tártibi buzylǵan jaǵdaida quqyqtyq jaýapkershilik qarastyrylǵanyn málim etti.
Tipti bul baǵytta saiasi partiialar óreskel qatelikke jol bergen jaǵdaida olardy partiialyq tizimnen shyǵarýǵa deiingi shara qabyldanýy múmkin.
