9 maýsym kúni ótken kezekten tys prezidenttik sailaýda Qazaqstan sailaýshylarynyń 70,76 paiyzy "Nur Otan" partiiasynyń kandidaty, is basyndaǵy Memleket basshysy Qasym-Jomart Toqaevty qoldap daýys berdi. Sailaýdyń aldyn ala qorytyndysyn búgin QR Ortalyq sailaý komissiiasy tóraǵasynyń orynbasary Konstantin Petrov jariia etti, dep habarlaidy "Ult aqparat".
Qazaqstan Respýblikasy boiynsha Jambyl Ahmetbekov 167 249 daýys nemese sailaýshylardyń 1,83 paiyz daýysyn, Daniia Espaeva 478 153 daýys nemese sailaýshylardyń 5,2 paiyz daýysyn, Ámirjan Qosanov 1 472 733 daýys nemese sailaýshylardyń 16,02 paiyz daýysyn, Tóleýtai Rahymbekov 294 271 daýys nemese 3,2 paiyz daýysyn, Amangeldi Taspihov 190 304 daýys nemese sailaýshylardyń 2,07 paiyz daýysyn, Qasym-Jomart Toqaev 6 504 054 nemese sailaýshylardyń 70,76 paiyz daýysyn, Sádi-Bek Túgel 84 348 daýys nemese sailaýshylardyń 0,92 paiyz daýysyn jinady", - dedi QR OSK tóraǵasynyń orynbasary Konstantin Petrov.
Sondai-aq, ol 160 myń Qazaqstan azamaty sailaýǵa alǵash ret qatysty aitty.
"Alǵash ret bul sailaýǵa 160 203 jas qatysty. Olar alǵash ret daýys berdi. Buǵan qosa, osy naýqanda múmkindigi shekteýli azamattardyń daýys berý quqyqtaryn qamtamasyz etý boiynsha aitarlyqtai sharalar qabyldandy. Aldyn ala derekterge sáikes, sailaý komissiialary jasaǵan múmkinshilikterdi ýchaskelerde erekshe qajettilikteri bar 12 061 sailaýshy paidalandy. Onyń 3 502-si kreslo-koliaskaǵa tańylǵan sailaýshy, 4 361-i kózi nashar kóretin sailaýshy, 3 425-i mylqaý jáne sańyraý sailaýshy.", - dedi Petrov Ortalyq sailaý komissiiasynyń otyrysynda.
Buǵan deiin habarlaǵanymyzdai, oblystardyń, respýblikalyq mańyzy bar qalalardyń, elordanyń sailaý komissiialary usynǵan málimetterge sáikes, tizimge engizilgen sailaýshylardyń 77,4 paiyzy sailaý biýlletenderin aldy.
Olardyń ishinde Aqmola oblysy boiynsha 83,4, Aqtóbe oblysy boiynsha 84,9, Almaty oblysy boiynsha 89, Atyraý oblysy boiynsha 71,2, Shyǵys Qazaqstan oblysy boiynsha 84,9, Jambyl oblysy boiynsha 81,3, Batys Qazaqstan oblysy boiynsha 66,3, Qaraǵandy oblysy boiynsha 77,3, Qyzylorda oblysy boiynsha 81,6, Qostanai oblysy boiynsha 84,1, Mańǵystaý oblysy boiynsha 68,9, Pavlodar oblysy boiynsha 81,2, Soltústik Qazaqstan oblysy boiynsha 79,8, Túrkistan oblysy boiynsha 84,8, Nur-Sultan qalasy boiynsha 68,9, Almaty qalasy boiynsha 52,2, Shymkent qalasy boiynsha 67,6 paiyz sailaýshylar daýys berdi.
Exit poll nátijesi
9 maýsymda ótken prezident sailaýynan keiin Exit-poll nátijesi jariialanyp, Qasym-Jomart Toqaevtyń kópshilik daýyspen jeńiske jetkeni belgili boldy.
"Qoǵamdyq pikir" institýty júrgizgen saýalnama nátijesi Toqaevtyń 70,13% daýys jinaǵanyn kórsetti. Sailaýshylardyń 15,39%-i Ámirjan Qosanovqa, 5,32%-i Daniia Espaevaǵa, 3,86%-i Jambyl Ahmetbekovke, 3,03%-i Tóleýtai Raqymbekovke, 1,41%-i Amangeldi Taspihovqa, al 0,86%-i Sádi-Bek Túgelge daýys bergen.
Al "Jastar" ǵylymi-zertteý ortalyǵy júrgizgen Exit-poll nátijesi boiynsha Qasym-Jomart Toqaev 69,94% daýys jinady. Ámirjan Qosanov – 14,96%, Daniia Espaeva – 4,78%, Jambyl Ahmetbekov – 3,06%, , Tóleitaý Rahimbekov – 2,71%, Amangeldi Taspihov – 2,63%, Túgel Sádibek – 1,92% daýys jinady.
