9 maýsymda Reseide bolatyn Qazaqstan azamattary RF bes qalasynda daýys bere alady, dep habarlaidy Sputnik agenttigi.
Qazaqstandyqtar Máskeý, Sankt-Peterbýrg, Qazan, Astrahan jáne Ombyda ózine unaǵan kandidatty tańdaidy.
"Prezident sailaýy kúni Máskeýde bolatyn qazaqstandyqtar Qazaqstan Respýblikasy elshiliginde daýys bere alady, munda №265 sailaý ýchaskesi jumys isteidi", - dep habarlady Qazaqstannyń Reseidegi elshiligi.
Máskeýdegi diplomatiialyq ókildik jumysynyń rejimi – jergilikti ýaqyt boiynsha 07:00-den 20:00-ge deiin. Ol Chistoprýdnyi býlvary, 3 A mekenjaiynda ornalasqan.
Diplomattar Qazaqstan azamattaryna Qazaqstannyń Resei Federatsiiasyndaǵy elshiliginde konsýldyq esepke turýǵa nemese +7 (495) 627 18 12, +7 (495) 627 18 96 telefonyna habarlasyp, óziniń aty-jóni men JSN habarlaýǵa keńes berdi. Bul sailaýshylar tizimine engizý rásimin jeńildetedi.
Máskeýden basqa, Resei Federatsiiasy aýmaǵynda tórt qalada Qazaqstan Respýblikasynyń Bas konsýldyǵy men konsýldyqtaryndaǵy sailaý ýchaskelerinde daýys berýge bolady. Olar myna mekenjailar boiynsha ornalasqan:
Sankt-Peterbýrg, Ryleev kóshesi, 10 úi. Tel.: +7 (812) 335-25-46, 335-25-47, e-mail: kazconspb@mail.ru. Veb-sait: http://mfa.gov.kz/ru/s-petersburg
Qazan, Karl Marks kóshesi, 8/13 úi. Tel.: 8 (843) 202 05 52, +7 999 155 69 71, e-mail: kazan@mfa.kz. Veb-sait: http://kzkazan.ru/ru
Astrahan, Akvarel kóshesi, 2 B. Tel.: +7 (8512) 25-18-85, (8512) 61-00-08, e-mail: astrakhan@mfa.kz. Veb-sait: www.mfa.kz/ru/astrakhan
Omby, Shoqan Ýálihanov kóshesi, 9 úi. Tel.: +7 (3812) 32-52-13, 32-52-07, 32-52-08, faks.: 32-52-15, 32-52-05 e-mail: omsk@mfa.kz. Veb-sait: www.kz-omsk.ru.
Qazaqstandaǵy prezident sailaýy
Kezekten tys prezident sailaýy 9 maýsymda ótedi. Sailaý ýchaskelerinde daýys berý tańǵy saǵat 7:00-den 20:00-ge deiin ótedi.
Osy joly Qazaqstan prezidenttigine jeti adam talasady. Olar:
- Nur Otan partiiasy atynan Qasym-Jomart Toqaev;
- "Ult taǵdyry" qozǵalysy atynan Ámirjan Qosanov;
- Qazaqstan kommýnistik halyq partiiasy atynan Jambyl Ahmetbekov;
- "Aýyl" partiiasy atynan Tóleýtai Raqymbekov;
- "Aq jol" demokratiialyq partiiasy atynan Daniia Espaeva;
- Kásipodaqtar federatsiiasy atynan Amangeldi Taspihov;
- "Uly dala qyrandary" qoǵamdyq birlestigi atynan Sádibek Túgel.
Prezident sailaýyna 12 067 475 biýlleten daiyndalady.
