QR Prezidenttigine kandidattyń memlekettik tildi meńgerý deńgeiin anyqtaityn lingvistikalyq komissiia atalmysh laýazymǵa úmitker Tóleýtai Rahymbekovtyń emtihan nátijesin jariialady, dep habarlaidy QazAqparat tilshisi.
2019 jyldyń 26 sáýirinde «Qazaqstan Respýblikasyndaǵy sailaý týraly» QR Konstitýtsiialyq zańynyń 55-babyna sáikes, Tóleýtai Rahymbekov «Aýyl» halyqtyq-demokratiialyq patriottyq partiiasy atynan OSK-ǵa qujattaryn usynǵan.
«Lingvistikalyq komissiianyń kezekti otyrysynda QR Prezidenttigine úmitker Tóleýtai Sataiuly Rahymbekov synaq tapsyrdy. Ádettegidei jazylym, oqylym, aitylym boiynsha úmitker úsh tapsyrmany oryndady. Jazbasha jumysynda oǵan «Bizdiń kúshimiz - birlikte» taqyryby tústi. Oǵan úmitker baiyppen bir saǵattai daiyndaldy jáne óziniń memlekettik tildi joǵary meńgergendigin kórsetti. Ekinshi oqylym boiynsha - Muhtar Áýezovtiń «Abai jolyn» tańdap, komissiia múshelerin qýantty. Sebebi, bul eń basty ári eń qiyn tapsyrmalardyń biri edi. Úshinshi kezeńde kandidat «Elorda - táýelsizdik tuǵyry» taqyrybynda sóz sóiledi», - dep atap ótti komissiia múshesi Erden Qajybek OSK-da ótken brifingte.
Osy úsh tapsyrmany oryndaý barysynda úmitker memlekettik tildi joǵary deńgeide meńgergendigin kórsetken.
«Jazylymda emleden tehnikalyq qateleri boldy, biraq ony asa mańyzdy emes dep esepteimiz. Stili, sóz saptaýy, saýattylyǵy jaǵynan Tóleýtai Sataiuly Rahymbekov biraýyzdan memlekettik tildi tolyq meńgergen degen baǵa aldy», - dedi komissiia múshesi.
T. Rahymbekov 1964 jyly Qaraǵandy oblysy Jańaarqa aýdanynyń Atasý kentinde týǵan. 1986 jyly Qazaq aýylsharýashylyq institýtyn injener-mehanik mamandyǵy boiynsha úzdik bitirgen. 1992 jyly Máskeýde Búkilodaqtyq aýyl sharýashylyǵyn elektrlendirý ǵylymi-zertteý institýtynyń aspirantýrasyn támamdaǵan. 2001 jyly E. Bóketov atyndaǵy Qaraǵandy memlekettik ýniversitetin zańger mamandyǵy boiynsha bitirgen. 2005 jyly Ekonomika ǵylymdarynyń doktory atanǵan.
Eńbek jolyn 1986 jyly Qazaq aýylsharýashylyq institýtynyń kishi ǵylymi qyzmetkeri, aspiranty bolyp bastaǵan. Jáne ár jyldary aýyl sharýashylyǵy, turǵyn úi-kommýnaldyq sharýashylyǵy, jol, óndiris, ǵylym salalarynda tájiribe jinaqtaǵan.
