Búgin «Qazmedia» ortalyǵynda elimizdiń buqaralyq aqparat quraldarynyń basshylary 2019 jylǵy 9 maýsymda ótetin kezekten tys Prezidenttik sailaý naýqanyn aqparattyq jaǵynan qamtamasyz etken kezde ádep normalaryn ustaný týraly hartiia qabyldady. Oyrmandar nazaryna hartiia tolyq mátinin usynamyz.
Sóz bostandyǵy adam quqyǵynyń ajyramas bir bóligi bolyp tabylatynyna, al Adam quqyqtarynyń jalpyǵa birdei deklaratsiiasynyń 19 baby ár adamnyń aqparatty erkin izdep, alý jáne taratý bostandyǵyna quqyǵyn bekitetinine nazar aýdara otyryp;
Qazaqstan Respýblikasy Konstitýtsiiasynyń sóz bostandyǵy týraly, árkimniń zań júzinde tyiym salynbaǵan kez kelgen tásilmen erkin aqparat alýǵa jáne taratýǵa quqyǵy týraly, tsenzýraǵa tyiym salý týraly, Respýblikanyń konstitýtsiialyq qurylysyn kúshtep ózgertýdi, onyń tutastyǵyn buzýdy, memleket qaýipsizdigine nuqsan keltirýdi, soǵysty, áleýmettik, násildik, ulttyq, dini, tektik-toptyq jáne rýlyq astamshylyqty, sondai-aq qatygezdik pen zorlyq-zombylyqqa bas urýdy nasihattaýǵa nemese úgitteýge jol bermeý týraly erejelerin basshylyqqa ala otyryp;
Tuńǵysh Prezident - Elbasy Nursultan Nazarbaevtyń Táýelsizdikti nyǵaitý, ekonomika, memleket pen qoǵamnyń turaqty damýy boiynsha baǵamynyń sabaqtastyǵy men turaqtylyǵyn qamtamasyz etý máselesi sheshilip jatqan kezdegi elimiz damýynyń tarihi mańyzdy sátinde, elimizdiń qoǵamdyq-saiasi ómiri týraly aqparatty qazaqstandyqtarǵa obektivti túrde berý boiynsha joǵary jaýapkershilikti sezine otyryp;
Qazaqstan halqynyń birligin, onyń aýyzbirligin jáne álemniń eń damyǵan 30 eliniń qataryna kirý - Qazaqstan damýynyń HHI ǵasyrdyń ortasyndaǵy basty maqsatyna jetý úshin ekonomikany, áleýmettik keńistikti, qoǵamdyq sanany jańǵyrtýdyń strategiialyq mindetterine ustanýshylyǵyn tolyqtai qoldap;
buqaralyq aqparat bostandyǵyn, Qazaqstan Respýblikasynyń demokratiialyq jáne turaqty damýynyń basty kepili bolyp tabylatyn erkin jáne adal sailaýdyń ótkizilýin qarastyra otyryp, Biz, Qazaqstan jýrnalisteri jáne BAQ salasyndaǵy úkimettik emes uiymdardyń ókilderi, Qazaqstan Respýblikasy Prezidentiniń merziminen buryn ótkiziletin sailaýy boiynsha sailaý kampaniiasy kezinde osy Hartiianyń qaǵidalary men erejelerin saqtaýǵa mindettenemiz.
1. Osy Hartiia Qazaqstan Respýblikasynyń Konstitýtsiiasyna, Qazaqstan Respýblikasynyń «Qazaqstan Respýblikasyndaǵy sailaý týraly» Konstitýtsiialyq zańyna jáne «Buqaralyq aqparat quraldary týraly» Zańyna sáikes ázirlendi.
2. Osy Hartiianyń basty maqsattary mynadai: - sailaý barysynyń barlyq kezeńderin - ortalyq jáne basqa sailaý komissisianyń qyzmeti týraly, sailaý kampaniiasynyń negizgi kezeńderi týraly, Prezidentikke úmitkerler men olardyń sailaý aldyndaǵy aktsiialary týraly, daýys berý qortyndysynyń tártibi, barysy jáne ótkzizilýi týraly BAQ-nyń kásibi, obektivti jáne jedel túrde kórsetýi arqyly azamattardyń sailaý quqyǵynyń tolyq iske asyrylýyna járdemdesý; - Qazaqstan Respýblikasynyń qoldanystaǵy zańnamasyna sáikes barlyq tirkelgen Prezidentikke úmitkerlerdiń BAQ-na birdei ruqsatty berý;
- sailaý protsesiniń barysy men onyń nátiejeleri týraly, sondai-aq barlyq Prezidentikke úmitkerler men olardyń sailaý shtabtarynyń qyzmeti, kózqarastary men saiasi ustanymdary, baǵdarlamalary týraly otandyq BAQ-nyń adekvatty, tolyq jáne anyq málimdeýin qamtamasyz etý;
- BAQ-da sailaý kampaniiasyn uiymdastyrý, ótkizý jáne nátijelerine qatysty tekserilmegen jáne dáieksiz aqparattyń taralmaýyna qarsy áreket etý, sonyń ishinde sailaýshylardyń elektoraldyq talǵaýlaryn kórsetetin qoǵamdyq pikir saýalnamalarynyń nátijelerin jariialaǵan kezde.
3. Osy Hartiiaǵa qosylǵan jáne qol qoiǵan buqaralyq aqparat quraldary, jýrnalister men úkimettik emes uiymdardyń ókilderi merziminen buryn ótkiziletin sailaýdy aqparattyq jaǵynan qamtamasyz etken kezde mynadai qaǵidalarǵa ustanýshylyǵyn málimdeidi:
1) Qazaqstan Respýblikasynyń zańnamasyn, kásibi etika normalaryn jáne jýrnalisterdiń minez-qulyq erejesin múltiksiz saqtaý;
2) Prezidentikke úmitkerler týraly, sailaý kampaniiasy kezinde olardyń baǵdarlamalary men qyzmeti týraly materialdardyń obektivtiligi jáne beitaraptylyǵy;
3) sailaý protsesine jáne Prezidentikke úmitkerlerdiń ustanymdaryna qatysty aqparat kózderin muqiiat tekserý, ásirese olar kúmán týǵyzǵan jaǵdaida, sondai-aq Prezidentke úmitkerlerdiń namysyna, abyroiyna jáne iskerlik bedeline ádeii nuqsan tigizetin materialdardyń jariialanýyn boldyrmaý;
4) sotsiologiialyq saýlnamalardy ótkizý men jariialaýdyń belgilengen tártibin jáne jaǵdailaryn qoldaný, sonyń ishinde bul daýys berýdiń aldaǵy kúnindegi nátijeleriniń kórsetkishteri emes, tek naqty bir kúndegi qoǵamdyq pikirdi jazyp alý ekendigi týraly aýditoriiany eskertýmen jariialanýyn súiemeldeýge;
5) sailaýǵa deiin 5 kún buryn jáne daýys berý kúninde qoǵamdyq pikir saýalnamalarynyń nátijeleri týraly materialdardy, sailaý kampaniiasynyń jáne basqa da elektoraldy zertteýlerdiń nátijeleriniń boljamdaryn jariialaýdan jáne taratýdan bas tartý;
6) Aqparattyq habarlamalar jáne Prezidentke úmitkerlerdi qoldaý retindegi agitatsiialyq jariialanymdar arasyndaǵy aiqyn jáne bir mándi aiyrmashylyqty ótkizý.
4. Osy Hartiia ózara qurmetke, múddelerdi maquldaýǵa jáne esepke alýǵa, saiasi mádeniet normalaryna ustanýshylyqqa, shynaiy jáne tolyq aqparatty shartsyz paidalanýǵa negizdelgen BAQ jáne sailaý protsesiniń barlyq sýbektileri arasyndaǵy ózara qarym-qatynastyń júiesin qurýdy kózdeidi.
5. Osy Hartiia qoǵam men memleket múddelerin esepke alý arqyly kópshilik moiyndaǵan adam quqyqtary men bostandyqtarynyń absoliýtti artyqshylyǵyna jetýge baǵyttalǵan jáne ózara qurmetke, qoǵamdyq bátýalastyqqa negizdelgen, sailaý protsesin málimdegen kezde týyndaityn máselelerdi kúshtep nemese zorlyqpen sheshý nysandaryn bolǵyzbaityn saiasi ózara árekettestiktiń nysandaryn eskeredi.
6. Osy Hartiia barlyq buqaralyq aqparat quraldary, birlestikter jáne onyń maqsattaryna, qaǵidattaryna jáne qaǵidalaryna ortaqtasatyn tulǵalar úshin qol qoiýǵa ashyq bolyp tabylady.
