71 myńnan astam biýlleten jaramsyz dep tanyldy. QR Ortalyq sailaý komissiiasy 2019 jylydń 9 maýsymynda ótken kezekten tys prezidenttik sailaýdyń qorytyndy derekterin jariia etti, dep habarlaidy QazAqparat tilshisi.
«Sailaýǵa qatysqan sailaýshylardyń jalyp sany 11 960 364 adam. Sailaý biýlletenine 7 kandidat engizildi. Respýblika boiynsha alynǵan biýlletenderdiń sany - 12 067 475. Sailaý biýlletenderin alǵan sailaýshylardyń sany 9 274 466 nemese sailaýshylardyń jalpy sanynyń 77,5 paiyzy. Daýys berýge qatysqan sailaýshylardyń sany - 9 274 034», -dedi QR Ortalyq sailaý komissiiasynyń múshesi Lázzat Súleimen Ortalyq sailaý komissiiasynyń otyrysy barysynda.
QR OSK múshesiniń dereginshe, onyń ishinde daýys berý quqyǵyn beretin esepten shyǵarý kýálikteri boiynsha daýys berýge qatysqan sailaýshylardyń sany 22 427 nemese barlyq sailaýshylardyń 0,19 paiyzyn quraidy.
«Daýys berýge arnalǵan úi-jaidan tys daýys berýge qatysqan sailaýshylardyń sany 105 612 nemese sailaýshylardyń 0,88 paiyzy. Jaramsyz dep tanylǵan sailaý biýlletenderiniń sany 71 624 nemese barlyq biýlletenderdiń 0,59 paiyzy. Joiylǵan biýlletenderdiń sany 793 010», - dedi ol.
