Búgin QR Ortalyq sailaý komissiiasy 2019 jylǵy 9 maýsymǵa taǵaiyndalǵan Qazaqstan Respýblikasy Prezidentiniń kezekten tys sailaýyna 59 sheteldik baiqaýshyny akkredittedi, dep habarlaidy QazAqparat tilshisi.
QR Ortalyq sailaý komissiiasynyń múshesi Záýresh Baimoldinanyń atap ótýinshe, Syrtqy ister ministrliginen birqatar missiialardyń baiqaýshylaryn akkreditteýge usynystar kelip túsken. Onyń ishinde 35 baiqaýshy Táýelsiz Memleketter Dostastyǵynan baiqaýshylar missiiasynyń, 1 baiqaýshy Eýropadaǵy qaýipsizdik jáne yntymaqtastyq uiymynyń Demokratiialyq institýttar jáne adam quqyqtary biýrosy missiiasynyń, 7 baiqaýshy Túrkitildes memleketterdiń yntymaqtastyq keńesi missiiasy quramyna kiredi.
«Sonymen qatar Armeniia, Bolgariia, Grýziia, Malaiziia, Moldova, Latviia, Resei Federatsiiasy jáne Túrkiianyń ortalyq sailaý organdarynan 16 baiqaýshy usynylyp otyr. Barlyǵy 59 baiqaýshy akkreditteýge usynyldy. Akkreditteýge usynymdardyń kelip túsýine qarai baiqaýshylar jónindegi derekter jańartylatyn bolady», - dedi Z.Baimoldina.
Aita keteiik, shet memleketter men halyqaralyq uiymdardyń baiqaýshylaryn akkreditteýdi Ortalyq sailaý komissiiasy 2019 jylǵy 3 maýsym kúngi saǵat 18:00-ge deiin júzege asyrady.
