Ulttyq keńestiń birinshi otyrysyna daiyndyq máseleleri boiynsha uiymdastyrý kezdesýi ótti. Baǵyttary aiqyndalyp, naqty jumys toptary quryldy. Endi, 6 qyrkúiek kúni Prezident Qasym-Jomart Toqaevtyń tóraǵalyǵymen Ulttyq keńestiń alǵashqy otyrysy ótedi. Osyǵan bailanysty onyń jumysyna qatysty oiymmen bólissem:
1) Memleket ary qarai turaqty damýy úshin "saiasi pliýralizm" máselesin qolǵa alýy qajet. Sonymen qatar qoǵamnyń saiasi mádenietin damytýdy da oilaý kerek. Óitkeni saiasi mádeniet damymai, áleýmettik jańarý kún tártibine kóshýi múmkin emes. Osy oraida, Ulttyq keńestiń missiiasy - jańa saiasi mádenietti qalyptastyra bilý;
2) Bastysy ishki reglamentter jumys toptarynda talqylanyp, bekitildi. Endi ár jumys toby óz betinshe, sodan keiin ol toptar birlesip nátijeli jumys kórsetýi mańyzdy. Osy jaǵdaida jumys toptarynyń ishinde de, jumys toptary bir-birimen de saiasi upai jinaý úshin básekelesip, bitpeitin aitys-tartysqa túsip ketpeýi tiis. Toptardyń jumysyna jeke ambitsiialar men til tabysa bilmeýden týyndaityn qarym-qatynastardyń salqynyn tigizbei ótý kerek;
3) Ulttyq keńes otyrystarynyń mádenieti qalyptasqanǵa deiin (buǵan shamamen 3-4 otyrys kerek) Prezidenttiń resmi saitynda Ulttyq keńestiń alǵashqy otyrystarynyń nátijeleri jariialanatyn biýlletenderdi ilip otyrý kerek dep sanaimyn.
Ánýar Shotbaidyń feisbýktaǵy jazbasynan
