Memlekettik hatshy Qyrymbek Kósherbaev saiasi qýǵyn-súrgin qurbandaryn tolyq aqtaý jónindegi memlekettik komissiianyń kezekti otyrysyn ótkizdi, dep habarlaidy Aqorda.
Otyrysta saiasi qýǵyn-súrgin qurbandaryn tolyq aqtaý jónindegi memlekettik komissiianyń Jobalyq keńsesi, kishi komissiialary, jumys toptary jáne óńirlik filialdarynyń biylǵy atqarǵan qyzmetiniń negizgi qorytyndylary qarastyrylyp, 2022 jylǵa arnalǵan jumystyń basym baǵyttary aiqyndaldy.
Jiyn barysynda Premer-Ministrdiń orynbasary Eraly Toǵjanov, Bilim jáne ǵylym ministri Ashat Aimaǵambetov, Mádeniet jáne sport ministri Aqtoty Raiymqulova, Aqparat jáne qoǵamdyq damý ministri Aida Balaeva, Almaty qalasynyń ákimi Baqytjan Saǵyntaev, Mańǵystaý oblysynyń ákimi Nurlan Noǵaev jáne basqalar baiandama jasady.
Sondai-aq, Bas prokýror Ǵizat Nurdáýletov, Ishki ister ministri Erlan Turǵymbaev jáne Ulttyq qaýipsizdik komiteti tóraǵasynyń orynbasary Nurǵali Bilisbekov jabyq qorlarda júrgizilgen jumystar týraly baiandady.
Memlekettik komissiia tóraǵasy Qyrymbek Kósherbaev búgingi tańda ortalyqta jáne óńirlerde Memlekettik komissiianyń tutas uiymdyq qurylymy qalyptasqanyn, ádistemelik baza ázirlenip, zertteý jumystaryna qatysty biryńǵai ádistiń aiqyndalǵanyn, maqsatty aqparattyq strategiia qurylyp, memlekettik, vedomstvolyq jáne sheteldik arhivterde júieli izdestirý jumystary jolǵa qoiylǵanyn atap ótti.
Jiynda saiasi qýǵyn-súrgin qurbandarynyń jalpy bazasyn jáne Memlekettik komissiia qurylymdarynyń qyzmeti týraly aqparattardy qamtityn Memlekettik komissiianyń elektrondyq portaly tanystyryldy.
Sonymen birge, komissiia músheleri Memlekettik arhivterde qurylǵan qýǵyn-súrgin máseleleri jónindegi arnaiy qorlar jaiynda, TMD jáne Eýropalyq Odaq elderimen halyqaralyq yntymaqtastyqty damytý týraly baiandady.
Otyrys qorytyndysy boiynsha Úkimetke, ortalyq jáne jergilikti atqarý, quqyq qorǵaý organdarynyń basshylaryna 2022 jylǵa arnalǵan jumystyń basym baǵyttary boiynsha, atap aitqanda, jinaqtalǵan arhiv materialyn taldamalyq jáne saraptamalyq baǵalaýdy uiymdastyrý, aimaqtarda zertteý jumysyn qamtamasyz etý jáne Memlekettik komissiianyń baspa qyzmetin keńeitý jóninde naqty tapsyrmalar berildi.
