Saiasi qýǵyn-súrgin qurbandaryn tolyq aqtaý boiynsha memlekettik komissiianyń qyzmetin qamtamasyz etý jónindegi Jobalyq ofistiń kadrlyq quramy kúsheitildi. Bul týraly QazAqparat Memlekettik komissiianyń Jobalyq ofisine silteme jasap habarlaidy.
Saiasi qýǵyn-súrgin qurbandaryn tolyq aqtaý boiynsha memlekettik komissiia Qazaqstan Respýblikasy Prezidentiniń Jarlyǵymen 2020 jylǵy 24-qarashada quryldy.
Ótken jyly aýqymdy uiymdastyrýshylyq-daiyndyq jumystary júrizildi. Atap aitqanda, Qazaqstandaǵy saiasi qýǵyn-súrgin qurbandarynyń negizgi sanattaryn jan-jaqty zertteý maqsatynda taqyryptyq baǵyttary boiynsha maqsatty toptardan quralǵan 10 Jumysshy toptary, 17 Aimaqtyq komissiialar quryldy, ádisteme ázirlendi, osyǵan deiin jabyq bolǵan fondtar men materialdar ashylyp, kóptegen ister atqaryldy.
2021 jyly saiasi qýǵyn-súrgin qurbandaryn tolyq aqtaý boiynsha uiymdastyrýshylyq-izdestirý kezeńi aiaqtaldy.
Ekinshi kezeńde jinaqtalǵan jáne kelip túsip jatqan materialdardy, arhivterdi jáne quqyqqorǵaý organdary men aimaqtyq komissiialar jinaǵan tájiribelerdi suryptaý, taldaý úshin bilikti mamandar men ǵalymdar qajet bolady. Sáikesinshe, bul kezeńde jinaqtalǵan materialdardy tereń zertteý men júieleý boiynsha tereń taldaý jumystaryn júrgizý kózdelýde. Bul baǵyttaǵy jumystar Jobalyq ofistiń qyzmetkerlerinen belsendilikti, osyǵan sai daǵdylar men biliktilikti talap etedi.
Memleket Basshysynyń Jarlyǵyn oryndaý maqsatynda QR Premer-Ministri 2022 jylǵy 14-qańtarda Jobalyq ofistiń kadrlyq quramyn kúsheitý boiynsha ókim shyǵardy.
Memleket basshysynyń Saiasi qýǵyn-súrgin qurbandaryn tolyq aqtaý boiynsha memlekettik komissiianyń aldyna qoiyp otyrǵan mindetterin oryndaýdyń joǵary deńgeidegi jaýapkershiligine bailanysty Jobalyq ofistiń kadrlyq quramyn Memlekettik komissiia jumysynyń búkil kezeńinde olardyń jalaqylary men barlyq áleýmettik tólemderin saqtai otyryp, múddeli memlekettik organdardyń qyzmetkerlerimen, ǵylymi mekemeler men joǵary oqý oryndarynyń ókilderimen jańartý jáne kúsheitý jumystary júrgizildi.
2022 jylǵy 31-qańtarda Nur-Sultan qalasyndaǵy Jobalyq ofiste jańa qurammen jinalys ótkizilip, onda Memlekettik komissiianyń Jobalyq ofisiniń jetekshisi S.A. Qasymov baiandama jasady. Jinalysqa Qazaqstan Respýblikasynyń Prezidenti Ákimshiliginiń Ishki saiasat bóliminiń orynbasary V.V. Porýbaimeh, Sh.Ýálihanov atyndaǵy Tarih jáne etnologiia institýtynyń direktory Z.E. Qabýldinov jáne Jobalyq ofistiń jańa quramy qatysty. Jobalyq ofistiń jańa quramy ózderiniń laýazymdyq mindetterine sáikes jumysqa kiristi.
