Saiasattanýshy Rasýl Jumaly Ulttyq qoǵamdyq senim keńesinde aitylǵan Prezident bastamalary týraly pikir bildirdi, dep habarlaidy Baq.kz agenttigi.
Jerdi sheteldikterge satýǵa jáne jalǵa berýge túpkilikti tyiym salyndy. Bul elimiz úshin saiasi mańyzy erekshe zor sheshim - azamattyq qoǵamnyń ortaq jetistigi. Endigi úlken másele - Jer oligarhtar men latifýndister emes, halyqtyń menshiginde bolyp onyń igiligi úshin qoldanylýyn kepildeitin aiqyn erejeler bekitilýi tiis. Prezidentimiz Qasym-Jomart Toqaev bastaǵan reformalardy qoldap, alǵa basqan saiyn osy maqsatqa da jetermiz, - dedi Rasýl Jumaly.
Jumalynyń aitýynsha, qazir tek ýáde emes, naqty sheshimder men uiymdastyrýshylyq alǵysharttary paida bolǵan.
Prezident búgin kótergen máselelerdi buǵan deiin Joldaýynda da, basqa da jiyndarda kótergen bolatyn. Prezident halyqtyń turmys-tirshiligin jaqsartýǵa erekshe nazar aýdardy. Máselen, pandemiia kezinde azamattarǵa jan-jaqty kómek, aýyl turǵyndarynyń jaǵdaiyn jasaý, aýyl jastarynyń bilim alýyna jaǵdai jasaý, muǵalimder men dárigerlerdiń jalaqysyn arttyrý, stýdentterdiń shákirtaqysyn kóbeitý – munyń bári halyqtyń turmysyn jaqsartýǵa baǵyttalǵan naqty sharalar. Bul sharalardyń sóz júzinde aitylyp qana qoiǵanyn kórgen joqpyz, is júzinde júzege asqanynyń kýási boldyq, - dedi ol.
