Qazirgi ýaqytta Qazaqstan qoǵamy úshin júrgiziletin reformalardyń qorytyndysy mańyzdy. Bul týraly Sailau Talks-2021 sharasynda ázerbaijandyq saiasattanýshy Marhad Mammadov aitty, dep habarlaidy QazAqparat.
«Kez kelgen sailaý – halyqtyń memlekettik saiasatqa degen kózqarasynyń kórinisi, qys mezgilinde, pandemiia kezinde sailaýǵa halyqtyń 63%-y qatysýy – joǵary kórsetkish. Bul qazirgi ýaqytta Qazaqstan qoǵamy úshin júrgiziletin reformalardyń qorytyndysy mańyzdy degendi bildiredi. Eshbir memleket pandemiiadan saqtandyryla almady. Eń damyǵan memleketterdiń ózi koronavirýspen kúresýdiń eń jaqsy mehanizmin kórsete almady», - deidi ázerbaijandyq saiasattanýshy Farhad Mammadov.
Ol osy kezeńnen óte alǵan memleketter úshin kelesi jyl úlken serpilis alyp keletinin aitty.
«Memleket basshysy Qasym-Jomart Toqaevtyń baǵdarlamalyq maqalasyna toqtalyp ótkim keledi. Bul jańa urpaqqa degen jańa kózqaras, óitkeni maqalada urpaqtyń aýysýy bolatyndyǵy týraly óte durys atap ótilgen. Táýelsizdikti saqtaý, ony nyǵaitý óte mańyzdy element bolyp sanalady. Ulttyq biregeilikti saqtaý jáne ony tanymal etý – óte mańyzdy element. Jaqyn arada jańa Úkimettiń jasaqtalýy, ol sheshýi tiis mindetterdi jariialaý kútilýde. Negizinde bizdi jasampazdyq pen damý jyldary kútip tur», - deidi ol.
