Búgin Memleket basshysy Qasym-Jomart Toqaev Qazaqstan halqyna joldaýyn jasady. Osy oraida joldaýǵa qatysty sarapshylardyń pikirin bilgen edik. Toqaev kótergen máselelerge qatysty saiasattanýshy, Eýraziia yntymaqtastyq institýtynyń bólim basshysy Samat Nurtaza óz oiyn bólisti, dep habarlaidy Strategy2050.kz resýrsy.
Saiasattanýshynyń aitýynsha, Toqaev búgingi málimdemeleri arqyly problemalardy sheshýden qashpaitynyn kórsetti.
«Buǵan deiin elbasy da, prezident te 50 minýt qana sóileitin. Búgin prezident 1 saǵat 33 minýt sóiledi. Meniń oiymsha, bul kóptegen problemamyzdyń sheshiletinin, sonymen qatar memleket basshysynyń máseleden qashpaitynyn kórsetti. Kez kelgen problemany jyly jaýyp qoimaidy. Máselen, janýarlardyń quqyǵyn qorǵaýdan bastap balalardyń quqyǵyn qorǵaýǵa deiin máseleni aitty. Úkimetke de birqatar tapsyrmany berdi», - dedi Samat Nurtaza.
Sonymen qatar ol Toqaevtyń aqsha-nesie saiasatyn retteitin agenttik qurylatynyn jóninde pikir bildirdi. Onyń sózinshe de, halyqtyń qarjylyq saýattyǵyn arttyrý kerek.
«Bizdiń halyq nesie alatyn kezde kelisimshartta jazylǵan mátindi tolyq oqymaidy. Ony moiyndaý kerek. Ol mátindi sanaýly ǵana azamat oqýy múmkin, biraq bári emes. Oisyz nesie alatyn azamattardyń qarjylyq saýattylyǵyn arttyrý kerek. Bálkim ýniversitet qabyrǵasynda nesie jóninde, nesieniń qaitarymy bolý keregin, onyń paiyzy bolatynyn túsindirý qajet. Mysaly, halyq toi jasaýǵa, shildehana jasaýǵa nesie ala beredi. Sapaly ult qalyptastyrý kerek dep jatyr ǵoi. Ol degenimiz ár isin oilanyp isteitin adam. Nesieni alarda óziniń qaltasyn esepteý arqyly alý-almaýdy sheship alý kerek. Sonda ǵana sapaly ul qalyptastyra alamyz», - dedi saiasattanýshy.
Budan bólek Samat Nurtaza aýyl ákimderin sailaý týraly óz oiymen bólisti. Onyń paiymynsha, bul - demokratiianyń belgisi.
«Aýyl ákimin sailaý protsesiniń ádil ótýi aýdan ákiminiń quzyrynda. Aýyl ákimin sailaý – demokratiianyń belgisi ekenin atap ótý kerek. Elbasy da demokratiianyń sońǵy aialdama ekenin atap ótken bolatyn. Aldymen aýyl ákimin, odan keiin aýdan ákimin, sodan soń qala ákimin sailaimyz. Osylaisha qadam-qadammen el bolyp ketemiz dep esepteimin. Aýyl ákiminiń sailaýy – bizdiń qoǵamǵa berilgen múmkindik. Sailaý ádil ótken jaǵdaida, bizdiń halyq demoratiiaǵa daiyn dep oilaimyn. Aýyl ákimderin sailaý – bul memelkettiń testi», - dep túiindedi sózin.
