Búgin Parlament Májilisiniń jalpy otyrysynda depýtat Saiasat Nurbektiń ókilettigi merziminen buryn toqtatyldy, dep habarlaidy QazAqparat.
«QR Prezidentiniń 2022 jylǵy 11 maýsymdaǵy Jarlyǵymen Parlament Májilisiniń depýtaty Saiasat Nurbek Ǵylym jáne joǵary bilim ministri laýazymyna taǵaiyndaldy. Osyǵan orai Ortalyq sailaý komissiiasy sizderdiń nazarlaryńyzǵa Konstitýtsiianyń 52-babyna, «Parlament jáne onyń depýtattarynyń mártebesi týraly» Zańnyń 24-baby 3 jáne 8-tarmaqtaryna sáikes, Májilis depýtaty S.Nurbektiń ókilettigin merziminen buryn toqtatý týraly máseleni sheshý úshin usynym engizip otyr», - dedi Ortalyq sailaý komissiiasynyń múshesi Shavhat Ótemisov.
Jalpy otyrysta palata depýtattary atalǵan usynymǵa daýys berip, depýtattyń ókilettigin merziminen buryn toqtatý týraly sheshim qabyldady.
