Ǵylym jáne joǵary bilim ministri Saiasat Nurbek Úkimet otyrysynda Qazaqstan halqyna ant berdi, dep habarlaidy Sputnik Qazaqstan.
Dástúr boiynsha aptanyń seisenbisinde ótetin Úkimet otyrysyna jańadan qurylǵan úsh oblystyń ákimi de qatysyp otyr. Sondai-aq oqý-aǵartý jáne ǵylym jáne joǵary bilim ministrleri de bar.
Prezident Jarlyǵymen ǵylym jáne joǵary bilim ministri bolyp taǵaiyndalǵan Saiasat Nurbek saltanatty túrde ant berdi.
"Qazaqstan Respýblikasynyń halqy men Prezidenti aldynda óz Otanym Qazaqstan Respýblikasynyń ekonomikalyq jáne rýhani damý isine barlyq kúsh-jigerim men bilimimdi jumsaýǵa, memlekettiń Konstitýtsiiasy men zańdaryn qatań saqtaýǵa, ózimniń barlyq is-áreketimde zańdylyq pen ádilettilik, azamattyq, ultaralyq jáne konfessiiaaralyq tatýlyq printsipterin ustanýǵa, Qazaqstan halqyna adal qyzmet etýge, óz elimniń memlekettiligi men dúniejúzilik qoǵamdastyqtaǵy bedelin nyǵaita berýge saltanatty túrde ant beremin!", - dedi ol.
Premer-ministr Álihan Smaiylov Úkimetke qosylǵan sheneýnikterdi quttyqtap, qyzmetterine tabys tiledi. Sonymen qatar Úkimet basshysy búgin oqý aǵartý ministri Ashat Aimaǵambetov qyryq jasqa tolyp otyrǵanyn atap ótti.
Aita keteiik, 11 maýsymda bilim jáne ǵylym ministrligi eki vedomstvoǵa bólindi. Prezident jarlyǵymen Ashat Aimaǵambetov oqý-aǵartý ministri bolyp, al Saiasat Nurbek ǵylym jáne joǵary bilim ministri laýazymyna taǵaiyndaldy.
