Májilistiń jańa depýtaty Saiasat Nurbek Áleýmettik-mádeni damý komitetiniń quramyna kirdi, - dep habarlaidy Tengrinews.kz.
"Qurmetti áriptester, qatarymyz jańa depýtatpen tolyqty. "Nur Otan" partiiasynyń tizimi boiynsha Saiasat Nurbek Májilis depýtaty bolyp tirkelgen", - dedi Májilis spikeri Erlan Qoshanov.
Ol ant qabyldaǵannan keiin Áleýmettik-mádeni damý komitetine kirýge niet bildirdi.
"Saiasat Nurbek - saiasattanýshy, qoǵam qairatkeri, memlekettik qyzmette tájiribesi mol, Halyqaralyq baǵdarlamalar ortalyǵynyń prezidenti, Ulttyq memlekettik saiasat mektebiniń direktory qyzmetterin atqarǵan. Qoldaý kórsetýlerińizdi suraimyn", - dedi komitet basshysy Jámilia Nurmanbetova.
Depýtattar Nurbektiń komitet quramyna kirýine daýys berdi.
