Sondai-aq, ol Áleýmettik-mádeni damý komitetiniń quramyna sailandy.
Saiasat Nurbek 1981 jyly 18 mamyrda Semei qalasynda dúniege kelgen. L.Gýmilev atyndaǵy Eýraziia ulttyq ýniversitetiniń zań fakýltetin bitirgen. Singapýrda memlekettik qyzmet kolledjinde, AQSh-tyń Indiana shtatynda Notr Deim ýniversitetinde oqydy, Rimde La Sapienza ýniversitetinde halyqaralyq qaýipsizdik jáne geosaiasat magistri dárejesin aldy, Rimdegi ICU institýtynda 2 jyldyq taǵylymdamadan ótti.
2000-2002 jyldary kongresmen Mark Smittiń sailaýaldy naýqanynda jeke kómekshisi, Aiova shtaty úkimetiniń aqparattyq tehnologiialar departamentinde innovatsiialyq tehnologiialar qyzmetkeri boldy.
2002-2006 jyldary L.Gýmilev atyndaǵy Eýraziia ulttyq ýniversitetinde "Memleket pen quqyq teoriiasy jáne tarihy" kafedrasynda oqytýshy, Qazaqstan jastar kongresiniń atqarýshy direktory jáne Astanadaǵy "Art-Motion" JShS-da promoýshn jáne dizain agenttiginiń direktory.
2006-2008 jyldary - Týrindegi qysqy Olimpiadalyq oiyndarda TOROS-ta uiymdastyrý komitetiniń aýdarmashysy, "Qazyna" Ornyqty damý qory" AQ investitsiialyq jobalar departamentiniń menedjeri, basqarma tóraǵasynyń keńesshisi, QR Prezidenti Ákimshiliginiń kadr jumystary jáne memlekettik baqylaý bóliminiń kadr saiasaty sektorynyń meńgerýshisi.
2008-2009 jyldary - QR Prezidenti janyndaǵy Memlekettik basqarý akademiiasynyń memlekettik jáne jergilikti basqarý institýtynyń menedjment kafedrasynyń dotsenti, ǵylym jáne halyqaralyq yntymaqtastyq jónindegi vitse-rektory. "Samuryq-Qazyna" UÁQ" AQ kadr saiasaty jáne personaldy basqarý departamentiniń atqarýshy direktory.
2010-2013 jyldary Qazaqstan Respýblikasy Bilim jáne ǵylym ministrligi "Halyqaralyq baǵdarlamalar ortalyǵy" AQ prezidenti boldy.
2013 jyldan bastap "Nur Otan" qoǵamdyq saiasi institýtynyń direktory boldy.
Eske salaiyq, buǵan deiin Dariǵa Nazarbaeva Májilisten ketetinin málimdegen bolatyn. Nur Otan partiiasy Parlamenti Májilisi depýtatynyń bos mandatyn partiialyq tizim boiynsha Saiasat Nurbekke berý týraly sheshim qabyldandy.
