kollaj: AzattyqRuhy
Almaty prokýratýrasy saýnadaǵy balalar lageri deregi boiynsha «BelRichi» JShS-ǵa qatysty tergeý jumystaryn bastady, - dep habarlaidy "Ult aqparat".
Almaty qalasynyń prokýratýrasy saýna ǵimaratyndaǵy balalar lageri deregine qatysty QR Qylmystyq kodeksiniń 361-baby "Laýazymdyq ókilettikterdi teris paidalaný" jáne 140-baby "Kámeletke tolmaǵan adamdy tárbieleý jónindegi mindetterdi oryndamaý" boiynsha sotqa deiingi tergeý jumystaryn bastaǵan.
"Balalar lagerin qarjylandyrý Almaty qalasy Bilim basqarmasy jetim jáne ata-anasynyń qamqorlyǵynsyz qalǵan balalarǵa arnalǵan biýdjetiniń esebinen júzege asyrylǵany anyqtaldy. Bul rette, usynylǵan konkýrstyq qujattama qoiylatyn talaptarǵa tolyq sáikes kelmeidi.
Qylmystyq isterdi tergeý Almaty qalasy boiynsha sybailas jemqorlyqqa qarsy qyzmetine tapsyryldy.
Isterdi tekserý sheńberinde oryn alǵan oqiǵanyń barlyq mán-jailaryn anyqtaý qamtamasyz etilip, jergilikti atqarýshy organnyń laýazymdy tulǵalary men lager uiymdastyrýshylarynyń is-áreketterine baǵa beriletin bolady" - delingen vedomstvo habarlamasynda.
QPK-niń 201-babynyń talaptaryna sáikes, ózge aqparat jariia etýge jatpaidy.
Qylmystyq ister prokýratýra organdarynyń erekshe baqylaýynda.
