Foto: facebook.com/Inka Rokerovna
Almaty qalasynyń bilim basqarmasy balalar demalysyn uiymdastyrý boiynsha jaýapsyz qyzmet kórsetýshilermen sottasady, - dep habarlaidy "Ult aqparat" shahar ákimdiginiń baspasóz qyzmetine silteme jasap.
Almaty qalasynyń bilim basqarmasy balalardyń jazǵy demalysynyń sáikes kelmeitin jaǵdailary týraly túsinikteme berdi. Basqarma málimetinshe, qyzmet kórsetýshige, iaǵni «BelRichi» JShS kompaniiasyna qatysty jaýapsyz jetkizýshi dep taný jáne memlekettik satyp alýǵa qatysýǵa odan ári tyiym salý týraly talap-aryz daiyndalyp jatyr.
"Basqarma ókilderi qyzmet kórsetýshiniń memlekettik satyp alýdy ótkizýdiń barlyq erejelerine tolyq sáikes kelgen jaǵdaida anyqtalǵanyn túsindirdi.
Máselen, 13 shildede «Arman dala» saiajai lagerinde balalar demalysyn uiymdastyrý týraly shart jasaldy, 15 shildede bilim basqarmasynyń qyzmetkerlerimen birge demalýshylardyń alǵashqy legi keldi. Tiisti talaptardyń buzylý faktileri anyqtalǵan kezde balalardy úilerine aparý protsesi shuǵyl túrde bastaldy. Qazirgi ýaqytta lagerde balalar joq. Olar jaqyn arada, mektep oqýshylary demalǵan kezde erejeler qatań saqtalatyn lagerlerge jiberiledi.
Qyzmet kórsetýshimen aǵymdaǵy shart buzylady, sondai-aq osy kompaniianyń basqa memlekettik satyp alýǵa qatysýyna jol bermeý úshin josyqsyz ónim berýshi dep taný týraly talap aryz beriledi. Bilim basqarmasynyń jaýapty qyzmetkerine qatań sógis jariialandy" - delingen habarlamada.
Ákimdik málimetinshe, qazirgi ýaqytta bilim basqarmasy qoǵamdyq keńespen birlesip jumys tobyn qurǵan. Onyń quramyna ata-analar qoǵamdastyǵynyń, qalalyq prokýratýranyń jáne barlyq múddeli organdardyń ókilderi kirgen.
"Jumys toby aiasynda qala syrtyndaǵy barlyq lager tekseriledi. Jumys toby qala mańyndaǵy lagerlerge júrgizilgen monitoring nátijeleri týraly únemi esep beredi" - delingen habarlamada.
