D.Serikbaev atyndaǵy ShQTÝ prorektory Sáýle Rahmetýllina Memleket basshysynyń Qazaqstan halqyna arnaǵan Joldaýyna qatysty pikir bildirdi, dep habarlaidy QazAqparat.
«Memleketimiz ben qoǵamymyzdyń damýynyń jańa saiasi baǵyty QR Prezidentiniń búgin ótken Qazaqstan halqyna Joldaýynyń basty taqyrybyna ainaldy. Qasym-Jomart Toqaev qańtardaǵy qaiǵyly oqiǵalarǵa baǵa bere otyryp, eldiń saiasi damýynyń jańa modelin usyndy. Qazaqstannyń saiasi júiesindegi ózgerister, birinshi kezekte, bilik pen memlekettik basqarý institýttaryna qatysty. Bul jerde biliktiń barlyq tarmaǵynyń, sonyń ishinde Prezident ókilettigine qatysty QR zańnamasyndaǵy ózgerister mańyzdy qadam», - dedi Sáýle Rahmetýllina.
Onyń aitýynsha, bul ózgerister Májilistiń tómengi palatasy atynan zań shyǵarý biligin nyǵaitýǵa yqpal etýge tiis.
«Respýblikanyń sailaý júiesi jónindegi zańdarǵa eleýli túzetýler engiziletini quba-qup. Munda depýtattardyń halyq aldyndaǵy jaýapkershiligin nyǵaitýǵa múmkindik beretin aralas sailaý júiesine praktikalyq kóshý kózdelip otyr. Oblystar men qalalar ákimderiniń qyzmetindegi ózgeristerge, endi sailaý jáne qyzmetke taǵaiyndaý máselelerine qatysty máslihattar atynan jergilikti ózin-ózi basqarý organdaryna úlken ról bólindi. Osy jáne basqa da ózgeristerdiń barlyǵy, saiyp kelgende, bizdiń memlekettegi bilikti ortalyqsyzdandyrýǵa, memlekettiliktiń jańa nysany - kúshti Parlamenti bar prezidenttik respýblikaǵa kóshýge baǵyttalǵan», - deidi prorektor.
Onyń sózinshe, bilikti ortalyqsyzdandyrý óńirlerdiń ózderiniń, olardyń turǵyndarynyń ózekti problemalaryn sheshýge múmkindik beredi.
Bul nátijesinde halyqtyń ómir súrý deńgeiiniń artýyna yqpal etedi.
«Mańyzdy saiasi ózgerister barlyq qazaqstandyqtarǵa, olardyń mártebesine, qoǵam men memlekettegi jaǵdaiyna qaramastan, qatysty dep oilaimyn. Árkim ózinen bastaýy kerek. Memleketimizdiń bolashaǵy tek reformalarmen ǵana emes, Qasym-Jomart Toqaev atap ótkendei, bizdiń azamattyq ustanymymyzben de aiqyndalady. Elimizdiń táýelsizdigi – bolashaq qazaqstandyqtar úshin saqtaýǵa tiis basty qundylyq», - dedi S.Rahmetýllina.
