AQSh qarjy ministrligi valiýtalyq baqylaý basqarmasynyń basshysy qyzmetine Qazaqstan týmasy Sáýle Omarovanyń kandidatýrasy qarastyrylyp jatyr, dep habarlaidy Sputnik Qazaqstan The New York Times gazetine silteme jasap.
Kornell ýniversitetiniń professory Sáýle Omarova óziniń ǵylymi jumysynda kriptovaliýtanyń bank salasyna qandai qaýip tóndiretinin jan-jaqty kórsetti. Osydan keiin ony bas bank baqylaýshysy qyzmetine usynǵan. Qazirgi kezde Baidenniń ákimshiligi jańa úmitkerdi tekserip jatyr.
Buǵan deiin osy qyzmetke úmitker eki adam bolǵan. Alaida Demokratiialyq partiianyń ishinde ózara tartys bastaldy. Aq úi eki kandidatýradan da bas tartyp, professor Sáýle Omarovny qarastyrýǵa kiristi.
"Kornell ýniversiteti zań fakýltetiniń bank quqyǵy professory Sáýle Omarova valiýtalyq baqylaý basqarmasynyń basshysy qyzmetine usynyldy. Eger senattyń qoldaýyna ie bolsa, Ýoll-strittegi iri bankter burynǵy basshylarmen bolǵan jyly qarym-qatynasty kútpese de bolady", - deidi maqala avtory.
Osy jumysqa jaqyn adamdar Omarovanyń kandidatýrasyn tekserý endi ǵana bastalǵanyn aitty. Jaqyn ýaqytta nemese kelesi jyldyń basynda valiýtalyq baqylaý basqarmasynyń basshysy qyzmetine usynýy múmkin. Odan keiin Senattyń qoldaýy qajet. Basqarma basshysyn bes jylǵa taǵaiyndaidy.
Aita keteri, Djordj Býsh kezinde Sáýle Omarova qarjy ministrliginiń retteý saiasaty boiynsha arnaiy keńesshisi bolǵan. Davis Polk & Wardwell zańgerlik firmasynda bes jyl jumys istep shyqty.
