اقش قارجى مينيسترلٸگٸ ۆاليۋتالىق باقىلاۋ باسقارماسىنىڭ باسشىسى قىزمەتٸنە قازاقستان تۋماسى سەۋلە وماروۆانىڭ كانديداتۋراسى قاراستىرىلىپ جاتىر, دەپ حابارلايدى Sputnik قازاقستان The New York Times گازەتٸنە سٸلتەمە جاساپ.
كورنەلل ۋنيۆەرسيتەتٸنٸڭ پروفەسسورى سەۋلە وماروۆا ٶزٸنٸڭ عىلىمي جۇمىسىندا كريپتوۆاليۋتانىڭ بانك سالاسىنا قانداي قاۋٸپ تٶندٸرەتٸنٸن جان-جاقتى كٶرسەتتٸ. وسىدان كەيٸن ونى باس بانك باقىلاۋشىسى قىزمەتٸنە ۇسىنعان. قازٸرگٸ كەزدە بايدەننٸڭ ەكٸمشٸلٸگٸ جاڭا ٷمٸتكەردٸ تەكسەرٸپ جاتىر.
بۇعان دەيٸن وسى قىزمەتكە ٷمٸتكەر ەكٸ ادام بولعان. الايدا دەموكراتييالىق پارتييانىڭ ٸشٸندە ٶزارا تارتىس باستالدى. اق ٷي ەكٸ كانديداتۋرادان دا باس تارتىپ, پروفەسسور سەۋلە وماروۆنى قاراستىرۋعا كٸرٸستٸ.
"كورنەلل ۋنيۆەرسيتەتٸ زاڭ فاكۋلتەتٸنٸڭ بانك قۇقىعى پروفەسسورى سەۋلە وماروۆا ۆاليۋتالىق باقىلاۋ باسقارماسىنىڭ باسشىسى قىزمەتٸنە ۇسىنىلدى. ەگەر سەناتتىڭ قولداۋىنا يە بولسا, ۋولل-ستريتتەگٸ ٸرٸ بانكتەر بۇرىنعى باسشىلارمەن بولعان جىلى قارىم-قاتىناستى كٷتپەسە دە بولادى", - دەيدٸ ماقالا اۆتورى.
وسى جۇمىسقا جاقىن ادامدار وماروۆانىڭ كانديداتۋراسىن تەكسەرۋ ەندٸ عانا باستالعانىن ايتتى. جاقىن ۋاقىتتا نەمەسە كەلەسٸ جىلدىڭ باسىندا ۆاليۋتالىق باقىلاۋ باسقارماسىنىڭ باسشىسى قىزمەتٸنە ۇسىنۋى مٷمكٸن. ودان كەيٸن سەناتتىڭ قولداۋى قاجەت. باسقارما باسشىسىن بەس جىلعا تاعايىندايدى.
ايتا كەتەرٸ, دجوردج بۋش كەزٸندە سەۋلە وماروۆا قارجى مينيسترلٸگٸنٸڭ رەتتەۋ ساياساتى بويىنشا ارنايى كەڭەسشٸسٸ بولعان. Davis Polk & Wardwell زاڭگەرلٸك فيرماسىندا بەس جىل جۇمىس ٸستەپ شىقتى.
