Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qisyqova elordada karantindi kúsheitý múmkindigi týraly suraqqa jaýap berdi, dep habarlaidy QazAqparat.
«Búginde karantindi kúsheitý sharalary negizinen ár óńirdegi epidemiologiialyq jaǵdaiǵa bailanysty. Shynymen de, Nur-Sultan qalasynda zerthanalyq túrde koronavirýs rastalǵan adamdar sany ósti. Muny elordada koronavirýs infektsiiasynyń PTR diagnostikasyna zertteý júrgizetin 7 zerthana qyzmet etip jatqanymen túsindirýge bolady», - dedi S. Qisyqova «Habar24» arnasyna bergen suhbatynda.
Onyń sózine qaraǵanda, kún saiyn 4-ten 5 myńǵa deiin testileý júrgiziledi.
«Sáikesinshe, test júrgizý artsa, onda indet juqtyrǵandardy anyqtaý da kóbeietini túsinikti. Atap ótsek, osy infektsiia tabylǵan adamdardyń ishinde 60-70 paiyzynda simptomsyz dárejede bolady. Sondyqtan epidemiologiialyq jaǵdaidy eskere otyryp, karantin sharalaryn kúsheitý týraly sheshimdi Bas memlekettik sanitar dárigeri qabyldaidy», - dedi basqarma basshysy.
