Almaty qalalyq qoǵamdyq densaýlyq saqtaý basqarmasy basshysynyń orynbasary Ásel Bisenbaeva osy aidyń sońynda koronavirýstan saýyǵyp úine shyǵatyndardyń sany artatynyn aitty, - dep habarlaidy QazAqparat.
«Búgingi kúni biz diagnostikalyq jumystardy zamanaýi zertteý ádisterin qoldana otyryp júrgizemiz. PTR diagnostikasy engizilýde, qazirgi ýaqytta bul jumysqa alty zerthana tartylǵan, olardyń ekeýi jekemenshik. Árine, biz PTR qurylǵylary bar zerthanalardy jumyldyramyz. Osy ádis boiynsha 39 myńnan astam zertteý júrgizildi. Ekspress-diagnostika boiynsha 19,5 myńnan astam zertteý jasaldy», – dedi Jandarbek Bekshin.
Sonymen qatar, ol qalada belsendi túrde dezinfektsiia sharalary júrgizilip jatqanyn atap ótti. Qala boiynsha bir kúnniń ishinde 8 myńnan astam kireberiske, 1300 úi alańdarynda dezinfektsiia júrgizildi. Bul jumystardyń barlyǵyna 458 adam jumyldyryldy. Budan bólek, qorǵanys qyzmetiniń adamdary kóshelerdi, aialdamalardy, qoǵamdyq oryndardy zalalsyzdandyrýda.
Óz kezeginde, Almaty qalalyq qoǵamdyq densaýlyq saqtaý basqarmasy basshysynyń orynbasary Ásel Bisenbaeva osy aidyń sońynda indetten saýyǵyp úilerine shyǵatyndardyń sany artatyn tilge tiek etti.
«Almaty qalasy boiynsha indetten 90 adam jazyldy. Naýqastardy jappai qabyldaý 12 sáýirden bastaldy. Olar mindetti túrde 14 kúndik emdeý kýrsyn qabyldaidy. Sáýir aiynyń 28-29 kúnderi test nátijieleri shyǵady. Soǵan qarap patsienterdi úiine shyǵaramyz. Jazylǵandardyń sany artady dep kútilýde»,– dedi ol.
