2021 jyldyń 1 sáýirinen qazaqstandyqtar kez kelgen halyqqa qyzmet kórsetý ortalyǵynda zeinetaqy men járdemaqy taǵaiyndaýǵa ótinish bere alady. Bul týraly QR Eńbek jáne halyqty áleýmettik qorǵaý vitse-ministri Erbol Ospanov aitty, dep habarlaidy "Ult aqparat".
«Qyzmet alýshylarǵa yńǵaily bolý maqsatynda biz zeinetaqy men járdemaqy taǵaiyndaýǵa ótinishterdi eksaýmaqtyq qabyldaý boiynsha jumys júrgizip jatyrmyz. Bul printsip azamattardyń tirkelgen jerinen ǵana emes, basqa óńirlerdegi kez kelgen halyqqa qyzmet kórsetý ortalyǵynda zeinetaqy men járdemaqy taǵaiyndaýǵa ótinish bere alady. Osylaisha, qyzmetterdi kezeń-kezeńmen eksaýmaqtyq printsipke aýystyrýdy osy jylǵy 1 sáýirden bastap iske qosý josparlanǵan», – dedi Erbol Ospanov ortalyq kommýnikatsiialar qyzmetindegi baspasóz máslihatynda.
